shahi masjid madura
മഥുര ശാഹി മസ്ജിദില്‍ നിസ്‌കാരം തടയണം എന്നാവശ്യപ്പെട്ട് ഹിന്ദുത്വ സംഘടന കോടതിയില്‍
നേരത്തെ മഥുര സിവില്‍ കോടതിയില്‍ മസ്ജിദ് പൊളിക്കണം എന്ന് ആവശ്യപ്പെട്ട് നല്‍കിയ ഹരജി കോടതി തള്ളിയിരുന്നു
ലക്‌നോ | മഥുരയിലെ ശാഹി ഈദ്ഗാഹ് മസ്ജിദില്‍ നിസ്‌കാരം തടയണമെന്ന് ആവശ്യപ്പെട്ട് ഹിന്ദുത്വ സംഘടനകള്‍ കോടതിയില്‍. ശ്രീകൃഷ്ണ ജന്മഭൂമി മുക്തി ആന്ധോളന്‍ സമിതി എന്ന ഹിന്ദുത്വ സംഘടനയാണ് മഥുര കോടതിയെ സമീപിച്ചത്. മഥുരയിലെ ശ്രീകൃഷ്ണ ക്ഷേത്രത്തിന് അടുത്ത് സ്ഥിതി ചെയ്യുന്ന ശാഹി ഈദ്ഗാഹ് മസ്ജിദ് പൊളിക്കണം എന്ന് നിരന്തരം ആവശ്യമുന്നയിക്കുന്നത് പരാതിപ്പെട്ട ഇതേ സംഘടനയാണ്.
മസ്ജിദിനുള്ളില്‍ നിസ്‌കാരം നടക്കാറില്ലായിരുന്നുവെന്നാണ് സംഘടനയുടെ വാദം. എന്നാല്‍ അടുത്ത കാലത്തായി ഇവിടെ മുസ്ലിംകള്‍ നിസ്‌കാരം നടത്തുന്നുവെന്നും അത് അവസാനിപ്പിക്കണമെന്നുമാണ് ഹരജിയിലെ ആവശ്യം. ചിലര്‍ ബോധപൂര്‍വ്വം സാമുദായിക സന്തുലിതാവസ്ഥ തകിടം മറിക്കാന്‍ ശ്രമിക്കുകയാണെന്നും അതിനായി ചിലര്‍ പൊതു നിരത്തില്‍പ്പോലും നിസ്‌കാരം നടത്തുന്നു എന്നെല്ലാമാണ് ഇവരുടെ വാദം.
കേസ് ജനുവരി അഞ്ചിന് പരിഗണിക്കും. നേരത്തെ മഥുര സിവില്‍ കോടതിയില്‍ മസ്ജിദ് പൊളിക്കണം എന്ന് ആവശ്യപ്പെട്ട് നല്‍കിയ ഹരജി കോടതി തള്ളിയിരുന്നു. അതേ സമയം, മസ്ജിദ് പൊളിച്ച് നീക്കണമെന്നത് ബി ജെ പിയുടെ മാത്രം രാഷ്ട്രീയ അജന്‍ഡയുടെ ഭാഗമാണെന്ന് അയോധ്യയിലെ മുഖ്യ പൂജാരി സത്യേന്ദ്ര ദാസ് അഭിപ്രായപ്പെട്ടിരുന്നു.
Latest
അട്ടപ്പാടിയില്‍ കാര്‍ നിയന്ത്രണം വിട്ട് വൈദ്യുതി പോസ്റ്റില്‍ ഇടിച്ച് മറിഞ്ഞ് തീപിടിച്ചു
പൊട്ടിക്കിടന്ന വൈദ്യുതി ലൈനില്‍നിന്ന് ഷോക്കേറ്റ് യുവാവ് മരിച്ചു
ആലുവയില്‍ വാഹനങ്ങള്‍ തല്ലിത്തകര്‍ത്തു; രണ്ട് പേര്‍ പോലീസ് കസ്റ്റഡിയില്‍
കായംകുളത്ത് ഗുണ്ടാസംഘം യുവാവിനെ വെട്ടിക്കൊല്ലാന്‍ ശ്രമിച്ച സംഭവം; മൂന്നാം പ്രതിക്കായി തിരച്ചില്‍ ഊര്‍ജ്ജിതമാക്കി പോലീസ്
ലോക്‌സഭ തിരഞ്ഞെടുപ്പ്; അഞ്ചാം ഘട്ട വോട്ടെടുപ്പ് തുടങ്ങി
ഇന്നും മഴ കനക്കും; നാല് ജില്ലകളില്‍ റെഡ് അലര്‍ട്ട്
