ഹിമാചലില്‍ കനത്ത മഴ; ഷിംലയില്‍ ശിവക്ഷേത്രം തകര്‍ന്ന് 9 മരണം

ഷിംല| ഹിമാചല്‍ പ്രദേശില്‍ കനത്ത മഴ തുടരുന്നു. ഷിംലയില്‍ ശിവക്ഷേത്രം തകര്‍ന്നുവീണു. ശിവപൂജ നടത്താനെത്തിയ നിരവധി ഭക്തര്‍ ക്ഷേത്രത്തിലുണ്ടായിരുന്നു. ഇതുവരെ ഒന്‍പത് മൃതദേഹങ്ങള്‍ കണ്ടെടുത്തു. നിരവധി പേര്‍ അവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നുണ്ടതായും മുഖ്യമന്ത്രി സുഖ്വീന്ദര്‍ സിംഗ് സുഖു അറിയിച്ചു.

ഇവരെ രക്ഷപ്പെടുത്താനുള്ള ശ്രമം തുടരുകയാണ്. പോലീസും സ്റ്റേറ്റ് ഡിസാസ്റ്റര്‍ റെസ്പോണ്‍സ് ഫോഴ്സ് (എസ്ഡിആര്‍എഫ്) ഉദ്യോഗസ്ഥരും സ്ഥലത്ത് രക്ഷാപ്രവര്‍ത്തനം നടത്തിവരികയാണ്.
ക്ഷേത്രം തകര്‍ന്നു വീഴുമ്പോള്‍ 50 ഓളം പേര്‍ ക്ഷേത്ര പരിസരത്ത് ഉണ്ടായിരുന്നുവെന്നാണ് വിവരം. ക്ഷേത്രം തകര്‍ന്ന സ്ഥലം മുഖ്യമന്ത്രി സുഖ്വീന്ദര്‍ സിംഗ് സുഖു സന്ദര്‍ശിക്കും.