National
ഡല്‍ഹിയില്‍ കനത്ത മൂടല്‍മഞ്ഞ്; 103 വിമാന സര്‍വീസുകളെ ബാധിച്ചു
ഡല്‍ഹി വഴിയുള്ള 23 ട്രെയിനുകളും വൈകിയാണ് ഓടുന്നത്.
ന്യൂഡല്‍ഹി| ഡല്‍ഹിയിലും അയല്‍ സംസ്ഥാനങ്ങളിലും മൂടല്‍ മഞ്ഞ് രൂക്ഷമായി. ഇന്ന് പുലര്‍ച്ചെ ഈ സീസണിലെ ഏറ്റവും കൂടുതല്‍ തണുപ്പ് രേഖപ്പെടുത്തിയതായി അധികൃതര്‍ അറിയിച്ചു. കാഴ്ച പരിധി കുറഞ്ഞത് വാഹന ഗതാഗതത്തെ ബാധിക്കുന്നുണ്ട്. പുക മഞ്ഞിനാല്‍ ഇവിടങ്ങളിലെ റോഡ്-റെയില്‍-വ്യോമ ഗതാഗതം തടസപ്പെട്ടു.
103 വിമാന സര്‍വീസുകളെ മൂടല്‍ മഞ്ഞ് ബാധിച്ചു. പുലര്‍ച്ചെയുള്ള വിമാനങ്ങള്‍ വൈകി സര്‍വീസ് നടത്തുന്നതിനാല്‍ വിമാനത്താവളവുമായി വിമാനകമ്പനികള്‍ ബന്ധപ്പെടണമെന്നും യാത്രക്കാര്‍ക്ക് വിവരങ്ങള്‍ കൈമാറണമെന്നും നിര്‍ദേശമുണ്ട്. ഡല്‍ഹി വഴിയുള്ള 23 ട്രെയിനുകളും വൈകിയാണ് ഓടുന്നത്.
ഡല്‍ഹിയിലെ സഫ്ദര്‍ജംഗിള്‍ 3.9 സെല്‍ഷ്യസാണ് താപനില രേഖപ്പെടുത്തിയത്. പഞ്ചാബിലെ അമൃത്സറില്‍ 1.7 ഡിഗ്രി സെല്‍ഷ്യസാണ് താപനില. മൂടല്‍ മഞ്ഞ് കനക്കുന്നതിനാലാണ് താപനിലയില്‍ ഇടിവ് സംഭവിക്കുന്നത്.
Latest
നിര്‍മ്മാണത്തിലിരുന്ന പാലം തകര്‍ന്നു വീണു; രണ്ട് തൊഴിലാളികളെ അച്ചന്‍കോവിലാറില്‍ കാണാതായി
ധര്‍മസ്ഥലയില്‍ വീണ്ടും അസ്ഥിഭാഗങ്ങള്‍ കണ്ടെത്തിയെന്ന് സൂചന
സൂപർ സിറാജ്; ഓവലിൽ ഇന്ത്യക്ക് മിന്നും ജയം
എറണാകുളത്ത് അങ്കണ്‍വാടിയില്‍ കളിപ്പാട്ടത്തിനിടയില്‍ മൂര്‍ഖന്‍ പാമ്പ്
മുസ്ലിം ലീഗ് മയക്കുമരുന്ന് കച്ചവടക്കാരുടേയും സാമ്പത്തിക തട്ടിപ്പുകാരുടേയും പാര്‍ട്ടിയായി മാറി: കെ ടി ജലീല്‍ എം എല്‍ എ
കൊടിയായാലും വടിയായാലും തടവുകാര്‍ അച്ചടക്കം ലംഘിച്ചാല്‍ നടപടി ഉണ്ടാകും: പി ജയരാജന്‍
