karipoor gold smuggling
സ്വര്‍ണക്കടത്തിന് ഒത്താശ: കരിപ്പൂരിലെ കസ്റ്റംസ് സൂപ്രണ്ടിനെ പോലീസ് പിടികൂടി
നാല് യാത്രക്കാരുടെ പാസ്‌പോര്‍ട്ടും 4.95 ലക്ഷം രൂപയും വിലപിടിപ്പുള്ള വാച്ചുകളും സൂപ്രണ്ടില്‍ നിന്ന് പിടിച്ചെടുത്തു
കോഴിക്കോട് കരിപ്പൂര്‍ വിമാനത്താവളത്തില്‍ സ്വര്‍ണക്കടത്തിന് കൂട്ടുനിന്ന കസ്റ്റംസ് സൂപ്രണ്ട് പിടിയില്‍. നാല് മാസം മുമ്പ് കരിപ്പൂരില്‍ കസ്റ്റംസ് സൂപ്രണ്ടായി എത്തിയ പി മുനിയപ്പയാണ് പിടിയിലായത്. ഇയാളില്‍ നിന്ന് നാല് യാത്രക്കാരുടെ പാസ്‌പോര്‍ട്ടും 4.95 ലക്ഷം രൂപയും വിലപിടിപ്പുള്ള വാച്ചുകളും പിടിച്ചെടുത്തു. മൂന്ന് ദിവസം ഡ്യൂട്ടിയിലുണ്ടായിരുന്ന മുനിയപ്പ ഇന്ന് ഡ്യൂട്ടികഴിഞ്ഞ് വീട്ടിലേക്ക് മടങ്ങാനിരിക്കെയാണ് അറസ്റ്റ്. കരിപ്പൂരില്‍ സ്വര്‍ണക്കടത്തുമായി ബന്ധപ്പെട്ട് ആദ്യമായാണ് ഇത്രയും മുതിര്‍ന്ന ഒരു കസ്റ്റംസ് ഉദ്യോഗസ്ഥന്‍ പിടിയിലാകുന്നത്.
സ്വര്‍ണക്കടത്ത് സംഘത്തിന് പല തവണ ഇയാള്‍ സഹായം ചെയ്തതായണ് വിവരം. പിടികൂടിയ സ്വര്‍ണം ഇയാള്‍ സ്വന്തം പോക്കറ്റിലാക്കിയതായും ഇത് പുറത്ത് നിന്ന് സെറ്റ് ചെയ്യാമെന്ന് സ്വര്‍ണംകൊണ്ടുവന്ന ആളോട് പറഞ്ഞതായും പോലീസ് പറയുന്നു. മുനിയപ്പയെ കോടതിയില്‍ ഹാജരാക്കുമെന്ന് പോലീസ് അറിയിച്ചു.
Latest
മന്ത്രിസ്ഥാനം: എ കെ ശശീന്ദ്രനെ ചോദ്യം ചെയ്ത് തോമസ് കെ തോമസ് വീണ്ടും
തിരുവനന്തപുരത്ത് വെള്ളക്കെട്ടില്‍ വീണ് ഒരാള്‍ മരിച്ചു
സ്വാതി മലിവാളിനെ കൈയ്യേറ്റം ചെയ്ത സംഭവം; കൂടുതല്‍ അന്വേഷണത്തിനായി കെജ് രിവാളിന്റെ വസതിയിലെത്തി പോലീസ്
കൊച്ചിയിലെ ക്വട്ടേഷൻ സംഘം വയനാട്ടില്‍ പിടിയില്‍
കോഴിക്കോട് മെഡിക്കല്‍ കോളജില്‍ ശസ്ത്രക്രിയക്കിടെ കമ്പി മാറിയിട്ട സംഭവം; ഡോക്ടര്‍ക്കെതിരെ കേസെടുത്തു
ബൈക്കും കാറും കൂട്ടിയിടിച്ച് 18 കാരന്‍ മരിച്ചു
