ഇന്തോ ബംഗ്ലാ അതിര്‍ത്തി വഴി സ്വര്‍ണ്ണക്കടത്ത്; രണ്ട് പേര്‍ പിടിയില്‍

ന്യൂഡല്‍ഹി |  ഇന്തോ-ബംഗ്ലാ അതിര്‍ത്തി വഴി ഇന്ത്യയിലേ്ക്ക് സ്വര്‍ണം കടത്താന്‍ ശ്രമിച്ച സംഘത്തിലെ രണ്ട് പേരെ അതിര്‍ത്തി സംരക്ഷണ സേന പിടികൂടി. ഇവരുടെ പക്കല്‍ നിന്നും ലക്ഷക്കണക്കിന് രൂപ വില മതിക്കുന്ന സ്വര്‍ണവും പിടിച്ചെടുത്തു. ദക്ഷിണ ബംഗാള്‍ അതിര്‍ത്തി വഴി കടത്താന്‍ ശ്രമിച്ച സ്വര്‍ണമാണ് പിടികൂടിയത്.

12 സ്വര്‍ണ ബിസ്‌ക്കറ്റുകളാണ് ഇവരില്‍ നിന്നും പിടിച്ചെടുത്തത്. സ്വര്‍ണത്തിന് വിപണിയില്‍ 77 ലക്ഷം രൂപ വില വരുമെന്ന് ഉദ്യോഗസ്ഥര്‍ അറിയിച്ചു. അന്താരാഷ്ട്ര സ്വര്‍ണക്കടത്ത് സംഘത്തിലെ കണ്ണികളാണ് പിടിയിലായതെന്നാണ് പ്രാഥമിക നിഗമനം. പ്രതികളെ ചോദ്യം ചെയ്ത് വരികയാണ്.