Business
സ്വര്ണ വില കൂടി
ഇന്ന് പവന് 120 രൂപയാണ് കൂടിയിരിക്കുന്നത്.
കൊച്ചി| സംസ്ഥാനത്ത് സ്വര്ണവില വര്ധിച്ചു. ഇന്നലെവരെ ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്ണം. ഇന്ന് പവന് 120 രൂപയാണ് കൂടിയിരിക്കുന്നത്. ഒരു പവന് ഇന്നത്തെ വില 35,760 രൂപയാണ്. ഗ്രാമിന് 15 രൂപ കൂടി 4470 രൂപയുമായി.
നവംബര് ഒന്നിന് 35,760 രൂപയായിരുന്നു പവന് വില. നവംബര് രണ്ടിന് ഈ മാസത്തെ ഏറ്റവും ഉയര്ന്ന വിലയായ 35,840 രൂപയായി. ഒക്ടോബര് 26നാണ് കഴിഞ്ഞ മാസത്തെ ഏറ്റവും ഉയര്ന്ന നിരക്കില് സ്വര്ണ വില എത്തിയത്. പവന് 36,040 രൂപയായിരുന്നു വില. കഴിഞ്ഞ രണ്ട് മാസത്തിനിടയിലെ ഏറ്റവും ഉയര്ന്ന നിരക്കായിരുന്നു ഇത്.
സ്വര്ണ വില ഇനിയും ഉയരുമെന്നാണ് പ്രവചനം. 10ഗ്രാം സ്വര്ണത്തിന്റെ വില 52,000 രൂപ കടക്കുമെന്ന് ആഭ്യന്തര ബ്രോക്കറേജ് സ്ഥാപനമായ മോത്തിലാല് ഓസ്വാളിയാണ് പ്രവചനം നടത്തിയത്. ആഗോളവിപണിയില് സ്വര്ണവില ഔണ്സിന് 2000 ഡോളറാകും. ഇന്ത്യന് വിപണിയില് 52,000 മുതല് 53,000 രൂപ വരെയായിരിക്കും വില. യു.എസ് സമ്പദ്വ്യവസ്ഥയിലെ മാറ്റവും ഫെഡറല് റിസര്വിന്റെ സമീപനവും ഇനിയും സ്വര്ണവില ഉയരാന് ഇടയാക്കുമെന്നാണ് സൂചന.