National
വിമാനങ്ങളില് പവര് ബാങ്ക് ഉപയോഗം നിരോധിച്ച് ഡിജിസിഎ
പുതിയ ഉത്തരവ് പ്രകാരം പവര് ബാങ്കുകളും ബാറ്ററികളും യാത്രക്കാരുടെ കൈവശമുള്ള ബാഗുകളില് മാത്രമേ സൂക്ഷിക്കാന് പാടുള്ളൂ
ന്യൂഡല്ഹി| വിമാനങ്ങളില് പവര് ബാങ്ക് ഉപയോഗം നിരോധിച്ച് ഡയറക്ടറേറ്റ് ജനറല് ഓഫ് സിവില് ഏവിയേഷന്. യാത്രയ്ക്കിടെ ലിഥിയം ബാറ്ററികള് കത്തി തീപിടിത്തം സംഭവിക്കുന്ന സാഹചര്യങ്ങള് കണക്കിലെടുത്താണ് ഈ തീരുമാനം. വിമാനങ്ങള്ക്കുള്ളിലെ ഇന്-സീറ്റ് പവര് സപ്ലൈ സംവിധാനം ഉപയോഗിച്ച് പവര് ബാങ്കുകള് ചാര്ജ് ചെയ്യുന്നതിനും യാത്രക്കാര്ക്ക് ഇനി അനുവാദമുണ്ടാകില്ല.
പുതിയ ഉത്തരവ് പ്രകാരം പവര് ബാങ്കുകളും ബാറ്ററികളും യാത്രക്കാരുടെ കൈവശമുള്ള ബാഗുകളില് മാത്രമേ സൂക്ഷിക്കാന് പാടുള്ളൂ. ഇവ വിമാനത്തിലെ ഓവര്ഹെഡ് ബിന്നുകളിലോ ചെക്ക്-ഇന് ബാഗുകളിലോ വെക്കുന്നത് ഒഴിവാക്കണമെന്നും നിര്ദ്ദേശമുണ്ട്.
ഒക്ടോബറില് ദീമാപൂരിലേക്കുള്ള ഇന്ഡിഗോ വിമാനത്തില് യാത്രക്കാരന്റെ പവര് ബാങ്കിന് തീപിടിത്തമുണ്ടായതിനെ തുടര്ന്ന് ഡല്ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില് വിമാനം അടിയന്തരമായി ഇറക്കിയിരുന്നു. സംഭവത്തില് ആളപായമൊന്നും റിപോര്ട്ട് ചെയ്തിട്ടില്ല. ഇത്തരം അപകടങ്ങള് ഒഴിവാക്കുന്നതിനായാണ് പുതിയ ഉത്തരവിറക്കിയത്.
Latest
ഡയാലിസിസ് രോഗികള് മരിച്ച സംഭവം; ഹരിപ്പാട് താലൂക്ക് ആശുപത്രി അധികൃതര്ക്കെതിരെ കേസെടുത്തു
അകക്കണ്ണിന്റെ വെളിച്ചത്തില് ശബീര് അലിയുടെ ഇശലുകള്
ശ്രദ്ധ പിടിച്ചുപറ്റി സെന്റിനറി ഗാര്ഡ്
കാമിലരാഗതമായ്... സുല്ത്വാനിത വരവായ്...
മര്കസിന്റെ തിരുമുറ്റത്ത് സ്നേഹോജ്ജ്വല സ്വീകരണം
കൈയേറ്റങ്ങള് കണ്ടുനില്ക്കരുത്, ഇന്ത്യ ഇടപെടണം: കാന്തപുരം
