National
ചരക്ക് കപ്പലുകളുടെ സുരക്ഷക്ക് യുദ്ധക്കപ്പലുകള് വിന്യസിച്ചു; നിര്ണായക നീക്കവുമായി ഇന്ത്യ
പശ്ചിമേഷ്യയിലെ സംഘര്ഷം കപ്പല് ഗതാഗതത്തിന് കടുത്ത ഭീഷണിയുയര്ത്തുന്ന സാഹചര്യത്തിലാണ് ഇന്ത്യയുടെ സുപ്രധാന നടപടി.
ന്യൂഡല്ഹി | നിര്ണായക നീക്കത്തില് പേര്ഷ്യന് ഗള്ഫ് സമുദ്രത്തില് യുദ്ധക്കപ്പലുകള് വിന്യസിച്ച് ഇന്ത്യ. രാജ്യത്തേക്കുള്ള ചരക്ക് കപ്പലുകള്ക്ക് സുരക്ഷയൊരുക്കുന്നതിനാണ് ഇത്.
എല് പി ജിയുമായി വരുന്ന ഇന്ത്യന് പതാക വഹിക്കുന്ന രണ്ട് കപ്പലുകള്ക്ക് ഹോര്മുസ് കടലിടുക്കിലൂടെ സഞ്ചരിക്കാന് ഇറാന് അധികൃതര് അനുമതി നല്കിയതിനു പിന്നാലെയാണ് നടപടി. പശ്ചിമേഷ്യയിലെ സംഘര്ഷം കപ്പല് ഗതാഗതത്തിന് കടുത്ത ഭീഷണിയുയര്ത്തുന്ന സാഹചര്യത്തിലാണ് ഇന്ത്യയുടെ സുപ്രധാന നീക്കം. ഹോര്മുസ് കടലിടുക്കിലൂടെയാണ് ആഗോള തലത്തിലെ എണ്ണ വിതരണത്തിന്റെ വലിയൊരു പങ്കും ദിവസംതോറും നടക്കുന്നത്.
ഇന്ത്യന് പതാക വഹിക്കുന്ന ശിവാലിക്, നന്ദാദേവി എന്നീ എല് പി ജി ചരക്ക് കപ്പലുകള് കഴിഞ്ഞ ദിവസം നാവികസേനയുടെ യുദ്ധക്കപ്പലുകളുടെ അകമ്പടിയോടെ സുരക്ഷിതമായി ഹോര്മുസ് കടലിടുക്ക് പിന്നിട്ടിരുന്നു. ഖത്വറില് നിന്ന് 85,000 മെട്രിക് ടണ് ഗ്യാസുമായി വരികയായിരുന്ന ഈ കപ്പലുകള് വരും ദിവസങ്ങളില് ഗുജറാത്തിലെ മുന്ദ്ര, കണ്ട്ല തുറമുഖങ്ങളില് എത്തും.
Latest
കേരളം ഉള്പ്പെടെ അഞ്ച് സംസ്ഥാനങ്ങളിലെ തിരഞ്ഞെടുപ്പ്; തീയതി പ്രഖ്യാപനം ഇന്ന് വൈകിട്ട് നാലിന്
കവടിയാര് കൊട്ടാരത്തില് വന് കവര്ച്ച; നഷ്ടപ്പെട്ടത് രണ്ട് കോടിയോളം രൂപയുടെ സ്വര്ണാഭരണങ്ങള്
കാസര്കോട് ദേശീയപാതയില് വാഹനാപകടം; രണ്ട് കര്ണാടക സ്വദേശികള് മരിച്ചു
ശവ്വാല് ഒന്ന് മുതല് ഉംറ വിസ നിര്ത്തലാക്കുന്നു; ഹജ്ജ് ഒരുക്കങ്ങളുമായി സഊദി അറേബ്യ
ചരക്ക് കപ്പലുകളുടെ സുരക്ഷക്ക് യുദ്ധക്കപ്പലുകള് വിന്യസിച്ചു; നിര്ണായക നീക്കവുമായി ഇന്ത്യ
എയര് ഇന്ത്യയും ഇന്ഡിഗോയും യു എ ഇയിലേക്കുള്ള ഇന്നത്തെ എല്ലാ വിമാന സര്വീസുകളും അടിയന്തരമായി റദ്ദാക്കി
