Saudi Arabia
കിരീടാവകാശി മുഹമ്മദ് ബിന് സല്മാന് റൗളാശരീഫ് സന്ദര്ശിച്ചു
റമസാന് മാസത്തിന്റെ തുടക്കത്തില് മദീനയിലെത്തിയ രാജകുമാരന് പ്രവാചക നഗരിയിലെ വികസന പ്രവര്ത്തനങ്ങളും തീര്ഥാടകര്ക്കായുള്ള സൗകര്യങ്ങളും വിലയിരുത്തി.
മദീന | സഊദി അറേബ്യന് കിരീടാവകാശിയും പ്രധാനമന്ത്രിയുമായ മുഹമ്മദ് ബിന് സല്മാന് രാജകുമാരന് മദീനയിലെ മസ്ജിദുന്നബവി സന്ദര്ശിച്ചു. ഇന്ന് പുലര്ച്ചെയായിരുന്നു സന്ദര്ശനം. പള്ളിയിലെ അതീവ പ്രാധാന്യമുള്ള റൗള ശരീഫില് അദ്ദേഹം നിസ്കാരം നിര്വഹിക്കുകയും പ്രവാചകന് മുഹമ്മദ് നബിയുടെയും (സ) അബൂബക്കര് സിദ്ദീഖ് (റ), ഉമര് ബിന് ഖതാബ് (റ) എന്നീ സഹാബികളുടെയും ഖബറിടങ്ങളില് സലാം ചൊല്ലി അഭിവാദ്യം അര്പ്പിക്കുകയും ചെയ്തു. മസ്ജിദുന്നബവിയില് എത്തിയ കിരീടാവകാശിയെ ഇരുഹറം കാര്യാലയ മേധാവി ഷെയ്ഖ് ഡോ. അബ്ദുറഹ്മാന് അല് സുദൈസ്, ഹജ്ജ്-ഉംറ മന്ത്രി ഡോ. തൗഫീഖ് അല് റാബിയ, മസ്ജിദുന്നബവിയിലെ ഇമാമുമാര് എന്നിവര് ചേര്ന്ന് സ്വീകരിച്ചു.
മദീന ഗവര്ണര് സല്മാന് ബിന് സുല്ത്താന് രാജകുമാരന്, റിയാദ് ഡെപ്യൂട്ടി ഗവര്ണര് മുഹമ്മദ് ബിന് അബ്ദുറഹ്മാന് രാജകുമാരന്, സാംസ്കാരിക മന്ത്രി ബദര് ബിന് അബ്ദുല്ല ബിന് ഫര്ഹാന് രാജകുമാരന് തുടങ്ങിയ ഉന്നതതല സംഘവും കിരീടാവകാശിയെ അനുഗമിച്ചിരുന്നു.
റമസാന് മാസത്തിന്റെ തുടക്കത്തില് മദീനയിലെത്തിയ അദ്ദേഹം പ്രവാചക നഗരിയിലെ വികസന പ്രവര്ത്തനങ്ങളും തീര്ഥാടകര്ക്കായുള്ള സൗകര്യങ്ങളും വിലയിരുത്തി. സന്ദര്ശനത്തിനു ശേഷം അദ്ദേഹം പ്രമുഖ പണ്ഡിതന്മാരുമായും മന്ത്രിമാരുമായും കൂടിക്കാഴ്ച നടത്തി.
Latest
പത്ത് ശതമാനം ക്ഷാമബത്ത കുടിശ്ശിക മാര്ച്ചിലെ ശമ്പളത്തോടൊപ്പം; സംസ്ഥാന സര്ക്കാര് ജീവനക്കാര്ക്കും പെന്ഷന്കാര്ക്കും ആശ്വാസം
മലപ്പുറത്ത് ലോറി ക്വാറിയിലെ വെള്ളക്കെട്ടിലേക്ക് മറിഞ്ഞു; ഒരാള് കുടുങ്ങി
മുണ്ടക്കൈ-ചൂരല്മല ഉരുള്പൊട്ടല്: ദുരന്തബാധിതര്ക്കുള്ള ടൗണ്ഷിപ്പിലെ വീടുകള്ക്കായുള്ള നറുക്കെടുപ്പ് തുടങ്ങി
വീട്ടുകാരെ പൂട്ടിയിട്ട് രാത്രി സുഹൃത്തിനൊപ്പം കാറുമായി ഇറങ്ങി; പതിനാലുകാരനും സുഹൃത്തും അപകടത്തില്പ്പെട്ടു
മങ്കട സദാചാര കൊലപാതകം: അഞ്ചുപ്രതികൾക്കും ജീവപര്യന്തം തടവ് ശിക്ഷ
എസ് ഐ ആര്: അന്തിമ വോട്ടര് പട്ടികയിലുള്ളത് 2.69 കോടി പേര്; അന്തിമ പട്ടിക നാളെ പ്രസിദ്ധീകരിക്കും
