International
യുഎസ് വൈസ് പ്രസിഡന്റ് ജെഡി വാന്സിന്റെ വസതിക്ക് നേരെ ആക്രമണം; ഒരാള് കസ്റ്റഡിയില്
പ്രതി വീടിനുള്ളില് കടന്നുകയറാന് ശ്രമിച്ചോ എന്നും വാന്സിനെയോ കുടുംബത്തെയോ ലക്ഷ്യം വെച്ചാണോ ആക്രമണം നടത്തിയതെന്നും അധികൃതര് പരിശോധിച്ചുവരികയാണ്.
വാഷിങ്ടണ് | അമേരിക്കന് വൈസ് പ്രസിഡന്റ് ജെഡി വാന്സിന്റെ ഒഹായോയിലെ സിന്സിനാറ്റിയിലുള്ള വസതിക്കുനേരെ ആക്രമണം നടന്നതായി റിപ്പോര്ട്ടുകള്. സംഭവവുമായി ബന്ധപ്പെട്ട് ഒരാളെ സുരക്ഷാ ഉദ്യോഗസ്ഥര് കസ്റ്റഡിയിലെടുത്ത് അന്വേഷണം ആരംഭിച്ചു.
ഇന്ന് പുലര്ച്ചെയാണ് ആക്രമണം നടന്നത്. സിന്സിനാറ്റിയിലെ വസതിയുടെ ജനല് ചില്ലുകള് തകര്ക്കപ്പെട്ടതായാണ് വിവരം.
ആക്രമണം നടക്കുമ്പോള് ജെഡി വാന്സോ കുടുംബാംഗങ്ങളോ വീട്ടിലുണ്ടായിരുന്നില്ല. അതിനാല് ആര്ക്കും പരിക്കേറ്റിട്ടില്ലെന്ന് സിഎന്എന് റിപ്പോര്ട്ട് ചെയ്തു. അവധി ആഘോഷങ്ങള്ക്കായി സിന്സിനാറ്റിയിലെത്തിയ വാന്സ് ഇന്നലെ വൈകുന്നേരത്തോടെ വാഷിംഗ്ടണിലേക്ക് മടങ്ങിയിരുന്നു.
രഹസ്യാന്വേഷണ വിഭാഗമായ സീക്രട്ട് സര്വീസും പ്രാദേശിക പോലീസും സ്ഥലത്തെത്തി പരിശോധന നടത്തി. പ്രതി വീടിനുള്ളില് കടന്നുകയറാന് ശ്രമിച്ചോ എന്നും വാന്സിനെയോ കുടുംബത്തെയോ ലക്ഷ്യം വെച്ചാണോ ആക്രമണം നടത്തിയതെന്നും അധികൃതര് പരിശോധിച്ചുവരികയാണ്.
സംഭവത്തില് ജെഡി വാന്സോ വൈറ്റ് ഹൗസോ ഇതുവരെ ഔദ്യോഗിക പ്രതികരണം നടത്തിയിട്ടില്ല. സംഭവത്തെക്കുറിച്ചുള്ള വിശദമായ പ്രസ്താവന സീക്രട്ട് സര്വീസ് ഉടന് പുറത്തിറക്കിയേക്കും.
Latest
ഡല്ഹി തുര്ക്ക് മാന് ഗേറ്റില് അര്ദ്ധ രാത്രിയില് ബുള്ഡോസര് രാജ്; സംഘര്ഷം, അഞ്ച് പോലീസുകാര്ക്ക് പരുക്ക്
ശബരിമല സ്വര്ണക്കൊള്ള കേസ്; എ പത്മകുമാറിന്റെ ജാമ്യാപേക്ഷയില് വിജിലന്സ് കോടതി ഇന്ന് വിധി പറയും
ബലാത്സംഗക്കേസ്; രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും
എറണാകുളത്ത് വാഹനാപകടം; ശബരിമല തീര്ഥാടകന് മരിച്ചു
തൃശൂര് അടാട്ട് മാതാവിനെയും കുഞ്ഞിനെയും മരിച്ച നിലയില് കണ്ടെത്തി
നിയമസഭാ തെരഞ്ഞെടുപ്പ്; തൊടുപുഴയില് പി ജെ ജോസഫ് വീണ്ടും മത്സരിക്കും
