Kerala
മലക്കപ്പാറയില്‍ പുഴുവരിച്ച നിലയില്‍ കണ്ടെത്തിയ വയോധിക മരിച്ചു
വാര്‍ധക്യസഹജമായ അസുഖങ്ങളെ തുടര്‍ന്ന് അവശനിലയിലായ കമലമ്മയുടെ മുറിവില്‍ പുഴുവരിച്ചതായി വാര്‍ഡ് മെമ്പറാണ് പുറത്തറിയിച്ചത്.
തൃശൂര്‍| അതിരപ്പിള്ളി മലക്കപ്പാറയില്‍ പുഴുവരിച്ച നിലയില്‍ കണ്ടെത്തിയ ആദിവാസി വയോധിക മരിച്ചു. വീരന്‍കുടി ഊരിലെ കമലമ്മ പാട്ടി (98) ആണ് ഇന്ന് രാവിലെ മരിച്ചത്. വാര്‍ധക്യസഹജമായ അസുഖങ്ങളെ തുടര്‍ന്ന് അവശനിലയിലായ കമലമ്മയുടെ മുറിവില്‍ പുഴുവരിച്ചതായി വാര്‍ഡ് മെമ്പറാണ് പുറത്തറിയിച്ചത്.
സംഭവം വാര്‍ത്തയായതോടെ വിഷയത്തില്‍ മന്ത്രി കെ രാധാകൃഷ്ണനും ജില്ലാ കളക്ടറും ഇടപെട്ടിരുന്നു. തുടര്‍ന്ന് ട്രൈബല്‍ – ആരോഗ്യവകുപ്പ് സംഘം ഊരിലെത്തി ചികിത്സ തുടങ്ങിയിരുന്നു. എന്നാല്‍ ഇന്ന് രാവിലെയോടെ കമലമ്മ മരിക്കുകയായിരുന്നു.
അതിരപ്പിള്ളി – മലക്കപ്പാറ പ്രധാന പാതയില്‍ നിന്നും നാല് കിലോമീറ്റര്‍ ഉള്‍വനത്തിലാണ് വീരന്‍കുടി ഊര് സ്ഥിതി ചെയ്യുന്നത്. കാല്‍നടയായി മാത്രമേ ഇവര്‍ക്ക് പ്രധാന റോഡിലേക്ക് എത്താന്‍ കഴിയൂ. അതിനാല്‍ കമലമ്മ പാട്ടിയെ ആശുപത്രിയില്‍ എത്തിക്കാന്‍ കഴിയാത്ത സാഹചര്യമായിരുന്നു. ഏഴ് കുടുംബങ്ങള്‍ മാത്രം താമസിക്കുന്ന ഊരില്‍ കമലമ്മ പാട്ടിയെ തണ്ടില്‍ ചുമന്ന് എത്തിക്കാന്‍ ആളുകളില്ലാത്തതാണ് ചികിത്സ വൈകാന്‍ കാരണമായത്.
Latest
അമൃത്സറില് സൈറണ് മുഴങ്ങി; ജനങ്ങള് പുറത്തിറങ്ങരുതെന്ന് നിര്ദ്ദേശം
എസ്എസ്എല്സി പരീക്ഷാഫലം ഇന്ന് പ്രഖ്യാപിക്കും
ദുബൈയിൽ ഫോൺ തട്ടിപ്പ് സംഘങ്ങൾ പിടിയിൽ
ഇന്ത്യാ-പാക് സംഘര്ഷങ്ങളില് ഇടപെടില്ലെന്ന് അമേരിക്ക
പാകിസ്താനില് ക്വറ്റ പിടിച്ചെടുത്ത് ബിഎല്എ
ജമ്മുവില് വീണ്ടും പാക് പ്രകോപനം; ഡ്രോണുകള് ഇന്ത്യന് സൈന്യം തകര്ത്തു
