National
ത്രിതല സുരക്ഷാ പരിശോധന ഏര്‍പ്പെടുത്തി; യാത്രക്കാര്‍ മൂന്ന് മണിക്കൂര്‍ മുന്‍പ് വിമാനത്താവളങ്ങളില്‍ എത്തണം
യാത്രക്കാര്‍ക്ക് ദേഹപരിശോധനയും ഐഡി പരിശോധനയും കര്‍ശനമാക്കും.
ന്യൂഡല്‍ഹി | ഇന്ത്യ-പാക് സംഘര്‍ഷം തുടരവെ രാജ്യത്തെ എല്ലാ വിമാനത്താവളങ്ങളിലും സുരക്ഷ ശക്തമാക്കി. യാത്രക്കാര്‍ക്ക് ത്രിതല സുരക്ഷാ പരിശോധനകള്‍ ഏര്‍പ്പെടുത്തണമെന്ന് ബ്യൂറോ ഓഫ് സിവില്‍ ഏവിയേഷന്‍ സെക്യൂരിറ്റി (ബികാസ്) നിര്‍ദേശിച്ചു. യാത്രക്കാര്‍ക്ക് ദേഹപരിശോധനയും ഐഡി പരിശോധനയും കര്‍ശനമാക്കും.
സുരക്ഷാ പരിശോധനകള്‍ കൂട്ടിയ സാഹചര്യത്തില്‍ യാത്രക്കാര്‍ മൂന്ന് മണിക്കൂര്‍ മുമ്പ് വിമാനത്താവളങ്ങളില്‍ എത്തണമെന്ന് വിമാന കമ്പനികള്‍ അറിയിച്ചു. നിലവില്‍ പ്രവേശന സമയത്തും വിമാനത്താവളത്തില്‍ കടന്നതിനു ശേഷവുമുള്ള സുരക്ഷാ പരിശോധനകള്‍ക്കു (സെക്യൂരിറ്റി ചെക്) പുറമേ ‘സെക്കന്‍ഡറി ലാഡര്‍ പോയിന്റ് ചെക്ക് (എസ്എല്‍പിസി)’ കൂടിയാണ് ഏര്‍പ്പെടുത്തിയത്. കേരളത്തിലെ എല്ലാ വിമാനത്താവളങ്ങളിലും ഈ രീതിയില്‍ പരിശോധന ആരംഭിച്ചു.
ഇതു പ്രകാരം ബോര്‍ഡിങ് ഗേറ്റിനു സമീപം ഒരിക്കല്‍ കൂടി സുരക്ഷാ പരിശോധന നടത്തും. യാത്രക്കാരെയും അവരുടെ കയ്യിലുള്ള ക്യാബിന്‍ ബാഗും അടക്കം ഹാന്‍ഡ് ഹെല്‍ഡ് മെറ്റല്‍ ഡിറ്റക്ടര്‍ ഉപയോഗിച്ചു വിശദമായി പരിശോധിക്കും. ഇതിനു ശേഷമേ വിമാനത്തില്‍ പ്രവേശിക്കാന്‍ അനുവദിക്കൂ. എല്ലാ വിമാനത്താവളങ്ങളിലും 100 ശതമാനം സിസിടിവി കവറേജ് ഉറപ്പാക്കും.
Latest
കോടതി ഉത്തരവ് ലംഘിച്ച് കുടിലുകള്‍ പൊളിച്ചു; ഡെപ്യൂട്ടി കലക്ടറെ തഹസില്‍ദാര്‍ സ്ഥാനത്തേക്ക് തരംതാഴ്ത്താന്‍ സുപ്രീം കോടതി നിര്‍ദേശം
ഇന്ത്യ-പാക് സംഘർഷം: ഉത്തരേന്ത്യയിലെ 27 വിമാനത്താവളങ്ങൾ അടച്ചു, നൂറുകണക്കിന് വിമാനങ്ങൾ റദ്ദാക്കി
വേനൽക്കാലമാണ്, ബീച്ച് വിസിറ്റ് ഉണ്ടോ? ഈ ഭക്ഷണങ്ങൾ കൂടെ കൂട്ടിക്കോളൂ...
നിപയില്‍ ആശങ്ക വേണ്ട; പുതിയ കേസുകളില്ല
എന്താണ് ഐബിഎസ്? ലക്ഷണങ്ങൾ അറിയാം...
അഞ്ചിലൊന്ന് സ്ത്രീകളും ഏഴിലൊന്ന് പുരുഷന്മാരും 15 വയസ്സിന് മുന്നേ ലൈംഗികാതിക്രമത്തിന് ഇരകളായെന്ന് പഠന റിപ്പോർട്ട്
