Kerala
നെടുമ്പാശ്ശേരിയില് 46 ഉംറ തീര്ത്ഥാടകരുടെ യാത്ര മുടങ്ങി
ആകാശ എയര് വിമാനത്തില് യാത്ര ചെയ്യാനിരുന്ന തീര്ത്ഥാടകരാണ് ദുരിതത്തിലായത്.
കൊച്ചി| നെടുമ്പാശ്ശേരി അന്താരാഷ്ട്ര വിമാനത്താവളത്തില് 46 ഉംറ തീര്ത്ഥാടകരുടെ യാത്ര മുടങ്ങി. ആകാശ എയര് വിമാനത്തില് യാത്ര ചെയ്യാനിരുന്ന തീര്ത്ഥാടകരാണ് ദുരിതത്തിലായത്. കൈവശം കണ്ഫേംഡ് ടിക്കറ്റുകള് ഉണ്ടായിരുന്നിട്ടും അവസാന നിമിഷം വിമാനക്കമ്പനി യാത്ര അനുവദിക്കാതിരുന്നതാണ് പ്രശ്നമായത്.
മലപ്പുറത്തെ ടാഗ് ഇന്ത്യ എന്ന ട്രാവല് ഏജന്സി വഴിയാണ് തീര്ത്ഥാടകര് ടിക്കറ്റുകള് ബുക്ക് ചെയ്തിരുന്നത്. ഡിസംബര് 26ന് തന്നെ സംഘത്തിലെ എല്ലാവര്ക്കും കണ്ഫേംഡ് സ്റ്റാറ്റസിലുള്ള ടിക്കറ്റുകള് വിതരണം ചെയ്തിരുന്നു. എന്നാല് ഇന്ന് യാത്രയ്ക്കായി വിമാനത്താവളത്തില് എത്തിയപ്പോള് തങ്ങളുടെ സിസ്റ്റത്തില് തീര്ത്ഥാടകരുടെ വിവരങ്ങള് ലഭ്യമല്ലെന്ന് ആകാശ എയര് അധികൃതര് അറിയിക്കുകയായിരുന്നു.
സംഭവത്തെ തുടര്ന്ന് തീര്ത്ഥാടകര് വിമാനത്താവളത്തില് പ്രതിഷേധിച്ചു. പകരം യാത്രാ സൗകര്യം എപ്പോള് ഒരുക്കുമെന്ന് വിമാനക്കമ്പനി ഇതുവരെ വ്യക്തമാക്കിയിട്ടില്ല. അധികൃതര് അടിയന്തരമായി ഇടപെട്ട് തീര്ത്ഥാടകര്ക്ക് ബദല് യാത്രാ സൗകര്യം ഒരുക്കണമെന്നാണ് ആവശ്യം.
സംഭവത്തില് പോലീസും വിമാനത്താവള അധികൃതരും ഇടപെട്ട് ചര്ച്ചകള് നടത്തിവരികയാണ്.
Latest
നെടുമ്പാശ്ശേരിയില് 46 ഉംറ തീര്ത്ഥാടകരുടെ യാത്ര മുടങ്ങി
വിദ്യാര്ഥിയെ അധ്യാപകന് മദ്യം നല്കി പീഡിപ്പിച്ച സംഭവം: പ്രധാന അധ്യാപികയെ സസ്പെന്ഡ് ചെയ്തു
ഡല്ഹി ഇന്ദിര ഗാന്ധി അന്താരാഷ്ട്ര വിമാനത്താവളം ഏഴ് ദിവസം രണ്ടരമണിക്കൂര് അടച്ചിടും
അതിജീവിതയെ അധിക്ഷേപിച്ചു; രാഹുല് മാങ്കൂട്ടത്തിലിന്റെ സുഹൃത്ത് ഫെനി നൈനാനെതിരേ കേസ്
ബംഗാളില് മൂന്ന് പേര്ക്ക് കൂടി നിപ സ്ഥിരീകരിച്ചു
കാനഡയിലെ ഏറ്റവും വലിയ സ്വര്ണ്ണക്കൊള്ള: ഇന്ത്യയിലേക്ക് കടന്ന മുഖ്യപ്രതിയെ കൈമാറണമെന്നാവശ്യപ്പെട്ട് കാനഡ
