Afghanistan crisis
വനിതാ സര്‍ക്കാര്‍ ഉദ്യോഗസ്ഥകളോട് ജോലിക്ക് ഹാജരാകാന്‍ ആവശ്യപ്പെട്ട് താലിബാന്‍; ആരുടെയും വീട്ടില്‍ കയറരുത്
അഫ്ഗാന്‍ ഇസ്ലാമിക് എമിറേറ്റ് സ്ത്രീകളെ ഇരകളാക്കാന്‍ ആഗ്രഹിക്കുന്നില്ലെന്ന് സമംഗാനി പറഞ്ഞു.
കാബൂള്‍ | തങ്ങളുടെ സര്‍ക്കാറിലെ ജോലിക്ക് ഹാജരാകാന്‍ ജീവനക്കാരികളോട് നിര്‍ദേശിച്ച് താലിബാന്‍. താലിബാന്‍ സാംസ്‌കാരിക കമ്മീഷനംഗം ഇനാമുല്ല സമംഗാനിയാണ് ഇക്കാര്യം ആവശ്യപ്പെട്ടത്. താലിബാന്റെ ആദ്യ ഭരണകാര്യ ഉത്തരവ് കൂടിയാണിത്.
അഫ്ഗാന്‍ ഇസ്ലാമിക് എമിറേറ്റ് സ്ത്രീകളെ ഇരകളാക്കാന്‍ ആഗ്രഹിക്കുന്നില്ലെന്ന് സമംഗാനി പറഞ്ഞു. ശരീഅത് നിയമം അനുസരിച്ചുള്ള സര്‍ക്കാര്‍ ഘടനയില്‍ സ്ത്രീകളും പങ്കാളികളാകും. താലിബാന്‍ സര്‍ക്കാറിന്റെ ഘടന പൂര്‍ണമായും വ്യക്തമല്ലെന്നും അദ്ദേഹം അറിയിച്ചു.
അതിനിടെ, സാധാരണക്കാരുടെ വീടുകളിലേക്ക് അതിക്രമിച്ച് കടക്കരുതെന്ന് താലിബാന്‍ സൈനിക കമ്മീഷന്‍ മേധാവി മുല്ല യാഖൂബ് നിര്‍ദേശിച്ചു. പ്രത്യേകിച്ച് കാബൂള്‍ നഗരത്തില്‍ ഇക്കാര്യം പ്രത്യേകം ശ്രദ്ധിക്കണം. ചൊവ്വാഴ്ച കാബൂള്‍ മേയറും ആരോഗ്യ മന്ത്രിയും ഓഫീസിലെത്തി ഔദ്യോഗിക കൃത്യനിര്‍വഹണത്തിലേര്‍പ്പെട്ടു.
Latest
ലോക്‌സഭാ തിരഞ്ഞെടുപ്പ്: സംസ്ഥാനത്ത് 71.27 ശതമാനം പോളിങ്; അന്തിമ കണക്കുകള്‍ പുറത്തുവിട്ട് തിരഞ്ഞെടുപ്പ് കമ്മിഷന്‍
റിയാദിലെ കിംഗ് ഖാലിദ് വിമാനത്താവളത്തില്‍ ലാന്‍ഡിംഗിനിടെ വിമാനം റണ്‍വേയില്‍ നിന്ന് തെന്നിമാറി; ഒഴിവായത് വന്‍ ദുരന്തം
ഹജ്ജ് അനുമതിപത്രമില്ലാത്തവര്‍ പിടിക്കപ്പെട്ടാല്‍ കടുത്ത ശിക്ഷ : ഹജ്ജ് ഉംറ മന്ത്രാലയം
ഫലസ്തീന്‍-ഇസ്‌റാഈല്‍ പ്രശ്ന പരിഹാരം; യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന്‍ സഊദിയിലെത്തി
കൊടുംചൂട്: സംസ്ഥാനത്തെ ഐടിഐകള്‍ക്ക് മെയ് നാല് വരെ അവധി; ക്ലാസുകള്‍ ഓണ്‍ലൈനില്‍
ലക്കിടിയില്‍ മൂന്ന് ബൈക്കുകള്‍ കൂട്ടിയിടിച്ച് അപകടം; യുവാവ് മരിച്ചു
