National
ബിബിസി ഓഫീസിലെ റെയ്ഡ്: അദാനി വിഷയത്തില്‍ അന്വേഷണം ഇല്ലെന്ന് പരിഹസിച്ച് യെച്ചൂരി
ഇന്ത്യയെ ജനാധിപത്യത്തിന്റെ മാതാവ് എന്ന് വിളിക്കുന്നു എന്നാണ് സീതാറാം യെച്ചൂരി ട്വീറ്റ് ചെയ്തത്.
ന്യൂഡല്‍ഹി| ബി.ബി.സിയുടെ ഇന്ത്യയിലെ ഓഫീസുകളില്‍ ആദായനികുതി വകുപ്പ് നടത്തിയ റെയ്ഡിനെ പരിഹസിച്ച് സി.പി.എം ജനറല്‍ സെക്രട്ടറി സീതാറാം യെച്ചൂരി. ആദ്യം ബി.ബി.സി ഡോക്യുമെന്ററികള്‍ നിരോധിക്കുക. ശേഷം അദാനി വിഷയത്തില്‍ ജെ.പി.സി അന്വേഷണം ഇല്ലാതിരിക്കുക. ഇപ്പോള്‍ ബി.ബി.സി ഓഫീസുകളില്‍ ആദായനികുതി വകുപ്പിന്റെ റെയ്ഡ്. ഇപ്പോഴും ഇന്ത്യയെ ജനാധിപത്യത്തിന്റെ മാതാവ് എന്ന് വിളിക്കുന്നു എന്നാണ് സീതാറാം യെച്ചൂരി ട്വീറ്റ് ചെയ്തത്.
ഇന്ന് രാവിലെ 11.30നാണ് ബി.ബി.സിയുടെ പ്രധാന ഓഫീസുകളില്‍ ആദായനികുതി വകുപ്പ് റെയ്ഡിന് എത്തിയത്. ഡല്‍ഹിയിലെയും മുംബൈയിലെയും ഓഫീസുകളിലാണ് റെയ്ഡ് നടത്തുന്നത്. അന്താരാഷ്ട്ര നികുതിയടക്കമുള്ള ക്രമക്കേടുകള്‍ സംബന്ധിച്ച ആരോപണങ്ങളില്‍ സര്‍വേ നടത്തിയെന്നാണ് ആദായനികുതി വകുപ്പ് അധികൃതര്‍ നല്‍കുന്ന വിശദീകരണം. റെയ്ഡിനിടെ മാധ്യമപ്രവര്‍ത്തകരുടെ ലാപ്ടോപ്പുകളും ഫോണുകളും ഉദ്യോഗസ്ഥര്‍ വാങ്ങിച്ചു. പരിശോധനകള്‍ക്കുശേഷം ഇവ തിരിച്ചുനല്‍കുമെന്ന് ഉദ്യോഗസ്ഥര്‍ വ്യക്തമാക്കി.
Latest
തിരിച്ചെടുത്ത ഹരിത നേതാക്കള്ക്കെതിരെ രൂക്ഷ പ്രതികരണവുമായി നൂര്ബിന
ജോലി നഷ്ടപ്പെടുന്ന സാഹചര്യമുണ്ടാകാം: ജിഫ്രി തങ്ങള്
മലപ്പുറം ജില്ലയില് പ്ലസ് വണ് സീറ്റുകള് കൂട്ടും
ഇ കെ വിഭാഗത്തിലെ "വിമത പ്രവർത്തനം' ഒരു തരത്തിലും ബാധിച്ചിട്ടില്ല: മുസ്ലിം ലീഗ്
ഇമാം ബുഖാരിയുടെ ജന്മനാട് ഇന്ത്യന് ഗ്രാന്ഡ് മുഫ്തിക്ക് നല്‍കുന്ന ആദരം ഇന്ന്
മഴക്ക് വേണ്ടി പ്രാര്ഥിക്കുക: സമസ്ത
