നെയ്യാർ ഡാം തുറന്നു; കാഞ്ഞിരപ്പുഴ അണക്കെട്ട് ഇന്ന് തുറക്കും

തിരുവനന്തപുരം | തിരുവനന്തപുരത്ത് മലയോര പ്രദേശങ്ങളിൽ കനത്ത മഴ തുടരുന്ന പശ്ചാത്തലത്തിൽ നെയ്യാർ ഡാമിന്റെ നാലു ഷട്ടറുകളും തുറന്നതായി ജില്ലാ കലക്ടർ അറിയിച്ചു. നിലവിൽ അഞ്ച് സെ മീ വീതമാണ് ഉയർത്തിയത്. ആദ്യം 2.5 സെ മീ ആയിരുന്നു ഉയർത്തിയത്. അടുത്ത മൂന്ന് ദിവസങ്ങളിൽ കനത്ത മഴ പെയ്യാൻ സാധ്യത ഉള്ളതിനാലും ഡാമിന്റെ വൃഷ്ടിപ്രദേശത്ത് കഴിഞ്ഞ ഒരു മണിക്കൂറായി കനത്ത മഴ പെയ്യുന്നതിനാലും മുൻകരുതൽ എന്ന നിലയിൽ രാത്രി 7:30ന് നാല് ഷട്ടറുകളും 2.5 സെ മീ കൂടി ഉയർത്തുകയായിരുന്നു. ഇതോടെ ആകെ 20 സെ മീ ഉയർത്തി. സമീപവാസികൾ ജാഗ്രത പാലിക്കണമെന്നും കലക്ടർ അറിയിച്ചു.