IND VS ENG
തകര്‍ന്നടിഞ്ഞ് ഇന്ത്യ; ആദ്യ ഇന്നിംഗ്‌സില്‍ 191 ന് പുറത്ത്
കളിയുടെ ഒരു സമയത്ത് 127/7 എന്ന നിലയില്‍ തകര്‍ന്നടിഞ്ഞ ഇന്ത്യയെ ശര്‍ദൂല്‍ ഠാക്കൂറും ഉമേഷ് യാദവും ചേര്‍ന്നാണ് കരകയറ്റിയത്
ഓവല്‍ | ഇംഗ്ലണ്ടിനെതിരെ ഓവല്‍ ടെസ്റ്റില്‍ തകര്‍ന്നടിഞ്ഞ് ഇന്ത്യ. ആദ്യ ഇന്നിംഗ്‌സില്‍ ഇന്ത്യ 191 ന് ഓള്‍ ഔട്ടായി. കളിയുടെ ഒരു സമയത്ത് 127/7 എന്ന നിലയില്‍ തകര്‍ന്നടിഞ്ഞ ഇന്ത്യയെ ശര്‍ദൂല്‍ ഠാക്കൂറും ഉമേഷ് യാദവും ചേര്‍ന്നാണ് കരകയറ്റിയത്. എട്ടാം വിക്കറ്റില്‍ ഇവര്‍ അര്‍ധ സെഞ്ച്വറി കൂട്ടുകെട്ടുയര്‍ത്തി. 33 പന്തില്‍ 57 റണ്‍സ് നേടിയ ശര്‍ദൂല്‍ ആണ് ഇന്ത്യയുടെ ടോപ് സ്‌കോറര്‍. തുടര്‍ച്ചയായി വീണ്ടും ക്യാപ്റ്റന്‍ വിരാട് കോലി അര്‍ധ സെഞ്ച്വറിക്ക് പിന്നാലെ പുറത്തായി. ക്രിസ് വോക്‌സ് നാലും ഒലി റോബിന്‍സണ്‍ മൂന്നും വിക്കറ്റും നേടി ഇന്ത്യയുടെ പതനത്തിന് ആക്കം കൂട്ടി.
ശര്‍ദൂല്‍ പുറത്തായതിന് പിന്നാലെ ഒരു റണ്‍സ് കൂടി കൂട്ടിചേര്‍ക്കുമ്പോഴേക്കും അവസാന രണ്ട് വിക്കറ്റും ഇന്ത്യക്ക് നഷ്ടമായി. കോലിയും ജഡേജയും ചേര്‍ന്ന് ഇന്ത്യയെ കൂടുതല്‍ നഷ്ടങ്ങളില്ലാതെ ആദ്യ സെഷനില്‍ 50 കടത്തിയെങ്കിലും ലഞ്ചിന് പിന്നാലെ ജഡേജയെ ക്രിസ് വോക്‌സ് വീഴ്ത്തി.
ഓഫ് സ്റ്റംപിന് പുറത്തുപോവുന്ന പന്തുകളില്‍ ബാറ്റുവെച്ച് പുറത്താവുന്ന ശീലം ഇത്തവണയും കോലി ആവര്‍ത്തിച്ചു. കോലിയുടെ ഓഫ് സ്റ്റംപിന് പുറത്തെ ദൗര്‍ബല്യം രഹാനെയും ആവര്‍ത്തിച്ചു.
Latest
ശിരോവസ്ത്ര വിവാദം രാഷ്ട്രീയവൽക്കരിക്കാൻ ആസൂത്രിത ശ്രമം: മന്ത്രി വി ശിവൻ കുട്ടി
ഗുജറാത്തിൽ മുഴുവൻ മന്ത്രിമാരും രാജി വെച്ചു; പുതിയ മന്ത്രിസഭാ വികസനം നാളെ
റഷ്യയിൽ നിന്ന് എണ്ണ: ട്രംപിന്റെ പ്രസ്താവന തള്ളി ഇന്ത്യയും റഷ്യയും; ഇന്ത്യൻ ഉപഭോക്താക്കളുടെ താൽപ്പര്യങ്ങൾ സംരക്ഷിക്കുമെന്ന് വിദേശകാര്യ മന്ത്രാലയം
നിമിഷ പ്രിയയുടെ വധശിക്ഷ സ്റ്റേ ചെയ്തു; ചർച്ചകൾക്ക് പുതിയ മധ്യസ്ഥൻ: കേന്ദ്രം സുപ്രീം കോടതിയിൽ
വെടിനിർത്തൽ നിലനിൽക്കെ ഗസ്സയിൽ ഇസ്റാഈൽ ആക്രമണം; മൂന്ന് പേർ കൊല്ലപ്പെട്ടു; റഫ ക്രോസിംഗ് തുറക്കുന്നത് വൈകുന്നു
ശബരിമല സ്വർണക്കൊള്ള: മുഖ്യപ്രതി ഉണ്ണിക്കൃഷ്ണൻ പോറ്റി കസ്റ്റഡിയിൽ; രഹസ്യ കേന്ദ്രത്തിൽ ചോദ്യം ചെയ്യൽ
