സംസ്ഥാനത്ത് സ്വര്‍ണവില ഉയര്‍ന്നു

കൊച്ചി| സംസ്ഥാനത്ത് മൂന്ന് ദിവസത്തിനുശേഷം സ്വര്‍ണ വില ഉയര്‍ന്നു. ഒരു പവന് 200 രൂപയാണ് വര്‍ധിച്ചത്. ഇതോടെ ഒരു പവന്‍ സ്വര്‍ണത്തിന്റെ വില 45,680 രൂപയായി. 22 കാരറ്റ് സ്വര്‍ണം ഗ്രാമിന് 25 രൂപ ഉയര്‍ന്ന് 5,710 രൂപയായി. 18 കാരറ്റ് സ്വര്‍ണത്തിന് 20 രൂപ ഉയര്‍ന്ന് 4,735 രൂപയുമായി.

രാജ്യാന്തര വിപണിയില്‍ 2,002 ഡോളറിലാണ് നിലവില്‍ സ്വര്‍ണ വ്യാപാരം നടക്കുന്നത്. ഇന്നലെ 1,992 ഡോളറില്‍ വ്യാപാരമവസാനിപ്പിച്ച സ്വര്‍ണം പിന്നീട് 10 ഡോളറോളം വര്‍ധിച്ചു.

അതേസമയം ദിവസങ്ങള്‍ക്കുശേഷം വെള്ളി വിലയും വര്‍ധിച്ചു. സാധാരണ വെള്ളിക്ക് ഗ്രാമിന് ഒരു രൂപ ഉയര്‍ന്ന് 80 രൂപയായി. ഹാള്‍മാര്‍ക്ക് വെള്ളിക്ക് 103 രൂപയാണ് വില.