മെട്രോ ട്രാം സ്റ്റേഷനുകളുടെ പുറം പാളികൾ ശുചീകരിച്ചത് ഡ്രോണുകൾ

ദുബൈ | മെട്രോ ട്രാം സ്റ്റേഷനുകളുടെ പുറം പാളികൾ ശുചീകരിച്ചത് ഡ്രോണുകൾ. ദുബൈയിൽ ആദ്യമായാണ് ഇത്തരമൊരു സാങ്കേതിക വിദ്യയെന്നും 50 ശതമാനത്തിലേറെ കാര്യശേഷി ഉണ്ടെന്നും ആർ ടി എ അറിയിച്ചു. കിയോളിസ് എം എച്ച് ഐയുമായി (ദുബൈ മെട്രോയുടെ ഓപ്പറേറ്ററും മെയിന്റനറും) സഹകരിച്ചാണിത്.

ദുബൈ മെട്രോയുടെയും ട്രാം സ്റ്റേഷനുകളുടെയും മുൻഭാഗങ്ങൾ വൃത്തിയാക്കുന്നതിന് ഡ്രോൺ സാങ്കേതികവിദ്യയിലൂടെ ഒരു മുൻനിര സംരംഭം ആരംഭിക്കുകയായിരുന്നു. സുരക്ഷ വർധിപ്പിക്കുന്നതിനും വിഭവങ്ങൾ പരമാവധിയാക്കുന്നതിനും പരിസ്ഥിതി ലക്ഷ്യങ്ങളെ പിന്തുണയ്ക്കുന്നതിനുമുള്ള ആർ ടി എയുടെ പ്രതിബദ്ധതയുടെ ഭാഗമാണിത്.

പരമ്പരാഗതമായി ഒരു സ്റ്റേഷനിൽ 15 പേർ വരെ ആവശ്യമുള്ള ഫേസഡ് ക്ലീനിംഗ് രീതികളിൽ നിന്നുള്ള ഒരു പ്രധാന മാറ്റമാണ് ഈ പരീക്ഷണം.ഡ്രോൺ അധിഷ്ഠിത പരിഹാരം എട്ട് പേരുടെ ഒരു ചെറിയ ടീമുമായി പ്രവർത്തിക്കുന്നു. മനുഷ്യശക്തി ആവശ്യകതകൾ 50 ശതമാനം കുറക്കുകയും ഉയരത്തിലോ സങ്കീർണ സ്ഥലങ്ങളിലോ ശുചീകരണം എളുപ്പമാക്കുകയും ചെയ്യുന്നു. ബന്ധപ്പെട്ട അപകടസാധ്യതകൾ കുറക്കുകയും ചെയ്യുന്നുവെന്ന് ആർ ടി എ റെയിൽ ഏജൻസി മെയിന്റനൻസ് ഡയറക്ടർ മുഹമ്മദ് അൽ ആമീരി പറഞ്ഞു.

ഡ്രോൺ സഹായത്തോടെയുള്ള ശുചീകരണത്തിന്റെ സാധ്യതകളെക്കുറിച്ച് ട്രയൽ ഇതിനകം വിലപ്പെട്ട ഉൾക്കാഴ്ചകൾ നൽകുന്നുണ്ട്. പരമ്പരാഗത രീതികൾ ഇപ്പോഴും ചില മേഖലകളിൽ കൂടുതൽ വഴക്കവും വിശദാംശങ്ങളും വാഗ്ദാനം ചെയ്യുന്നുണ്ടെങ്കിലും, ഡ്രോൺ പരിഹാരം ഭാവിയിലെ പരിഷ്‌കരണത്തിന്  മികവ് നൽകുന്നു.