common wealth games
കോമണ്‍വെല്‍ത്ത് ഗെയിംസ്: ടി20 കലാശപ്പോരില്‍ ഇന്ത്യന്‍ വനിതകള്‍ക്ക് നിരാശ, വെള്ളി
ആസ്‌ത്രേലിയയോട് ഒന്‍പത് റണ്‍സിനാണ് ഇന്ത്യ പരാജയപ്പെട്ടത്.
ബിര്‍മിംഗ്ഹാം | കോമണ്‍വെല്‍ത്ത് ഗെയിംസിലെ വനിതാ ടി20 ക്രിക്കറ്റ് ഫൈനലില്‍ ഇന്ത്യക്ക് തോല്‍വി. ആസ്‌ത്രേലിയയോട് ഒന്‍പത് റണ്‍സിനാണ് ഇന്ത്യ പരാജയപ്പെട്ടത്. ആദ്യം ബാറ്റ് ചെയ്ത ഓസീസ് എട്ട് വിക്കറ്റ് നഷ്ടത്തില്‍ 161 റണ്‍സെടുത്തു. മറുപടി ബാറ്റിംഗിന് ഇറങ്ങിയ ഇന്ത്യയുടെ ഇന്നിംഗ്‌സ് 19.3 ഓവറില്‍ 152 റണ്‍സിലൊതുങ്ങി. ഇതോടെ സ്വർണം പ്രതീക്ഷിച്ച ഇന്ത്യ വെള്ളി കൊണ്ട് തൃപ്തിപ്പെടേണ്ടി വന്നു.
ക്യാപ്റ്റന്‍ ഹര്‍മന്‍പ്രീത് കൗര്‍ അര്‍ധ സെഞ്ചുറി (43 ബോളില്‍ 65) നേടി ഒറ്റയാള്‍ പോരാട്ടം നടത്തിയെങ്കിലും ഒരുവശത്ത് വിക്കറ്റുകള്‍ തുടര്‍ച്ചയായി വീണു. ജെമിന റോഡ്രിഗസ് (33) മാത്രമാണ് ഭേദപ്പെട്ട പ്രകടനം പുറത്തെടുത്തത്. ഓസീസ് ബോളിംഗ് നിരയില്‍ അഷീഗ് ഗാര്‍ഡനര്‍ മൂന്നും മേഗന്‍ ഷട്ട് രണ്ടും വിക്കറ്റെടുത്തു.
ഓസീസ് ബാറ്റിംഗ് നിരയില്‍ ബെത് മൂണി അര്‍ധ സെഞ്ചുറി (61) നേടി. മെഗ് ലാനിംഗ് 36 റണ്‍സെടുത്തു. ഇന്ത്യയുടെ രേണുക സിംഗ്, സ്‌നേഹ് റാണ രണ്ട് വീതം വിക്കറ്റെടുത്തു.
Latest
പാപിയുടെ കൂടെക്കൂടിയാല്‍ ശിവനും പാപിയാകും; ആളെ പറ്റിക്കാന്‍ നടക്കുന്നവരുമായുള്ള കൂട്ട്‌കെട്ട് ഇപി ജയരാജന്‍ ഒഴിവാക്കണമെന്ന് മുഖ്യമന്ത്രി
ജനാധിപത്യത്തെ സംരക്ഷിക്കാനായി വോട്ട് രേഖപ്പെടുത്തണമെന്ന് രാഹുല്‍ ഗാന്ധി
വോട്ടിങ് യന്ത്രത്തിലെ തകരാര്‍; വയനാട്ടില്‍ അഞ്ചിടത്ത് പോളിങ് വൈകി
പത്തനംതിട്ടയില്‍ താമര ചിഹ്നത്തിന് വലിപ്പം കൂടുതലെന്ന് ആക്ഷേപം
ദല്ലാള്‍ നന്ദകുമാറിനൊപ്പം പ്രകാശ് ജാവദേക്കറെ കണ്ടിട്ടുണ്ട്; ആരോപണങ്ങള്‍ ഗൂഢാലോചന: ഇ പി ജയരാജന്‍
സ്ഥാനാര്‍ഥികളുടെ ലിസ്റ്റില്‍ ഷാഫി പറമ്പിലിന്റെ പേര് മാറിയതായി ആക്ഷേപം
