വെളിച്ചെണ്ണ വില കുറഞ്ഞേക്കും; വ്യാപാരികളുമായി ചർച്ച നടത്തി മന്ത്രി

തിരുവനന്തപുരം | വെളിച്ചെണ്ണ വിലക്കയറ്റത്തെ തുടർന്ന് വ്യാപാരികളുമായി ചർച്ച നടത്തി ഭക്ഷ്യമന്ത്രി ജി ആർ അനിൽ. വിലയിൽ കുറവ് വരുത്തുമെന്ന് ചർച്ചയിൽ വ്യാപാരികൾ സമ്മതിച്ചെന്ന് മന്ത്രി പറഞ്ഞു. അധിക ലാഭത്തിൽ കുറവ് വരുത്തി വില കുറക്കാനാണ് വ്യാപാരികളുടെ തീരുമാനം. എന്നാൽ എത്ര വില കുറയുമെന്ന കാര്യം വ്യക്തമല്ല,

കേരളത്തിൽ വെളിച്ചെണ്ണ ഉത്പാദനം വർധിപ്പിക്കുമെന്നും മന്ത്രി അറിയിച്ചു. കേരഫെഡ് അടക്കമുള്ള പൊതുമേഖലാ സ്ഥാപനങ്ങളുമായി ചർച്ച നടത്തും. മായം ചേർത്ത എണ്ണ വിപണിയിലെത്തുന്നതിൽ പരിശോധനകൾ ശക്തമാക്കുമെന്നും ഇവർക്കെതിരെ കർശന നടപടിയെടുക്കുമെന്നും മന്ത്രി അനിൽ കൂട്ടിച്ചേർത്തു.

കൊച്ചിയിൽ നടന്ന ‌വ്യാപാരികളുടെ യോ​ഗത്തിൽ വ്യവസായ മന്ത്രി പി രാജീവും പങ്കെടുത്തു.