ipl 2022
കോച്ചായി നെഹ്‌റ, ക്യാപ്റ്റന്‍ ഹര്‍ദിക്; അഹമ്മദാബാദ് ടീമിന്റെ ചിത്രം തെളിയുന്നു
കഴിഞ്ഞ സീസണ്‍ വരെ മുംബൈ ഇന്ത്യന്‍സ് ടീമിന്റെ അവിഭാജ്യ ഘടകമായിരുന്ന ഹര്‍ദിക്കിനെ അടുത്ത സീസണ്‍ മുതല്‍ ടീമില്‍ നിലനിര്‍ത്താന്‍ മാനേജ്‌മെന്റ് തയ്യാറായിരുന്നില്ല
അഹമ്മദാബാദ് | വരാനിരിക്കുന്ന ഐ പി എല്‍ സീസണില്‍ കളിക്കാനിരിക്കുന്ന അഹമ്മദാബാദ് ടീമിന്റെ ക്യാപ്റ്റനായി ഇന്ത്യന്‍ സ്റ്റാര്‍ ഓള്‍ റൗണ്ടര്‍ ഹര്‍ദിക് പാണ്ഡ്യ എത്തിയേക്കും. കഴിഞ്ഞ സീസണ്‍ വരെ മുംബൈ ഇന്ത്യന്‍സ് ടീമിന്റെ അവിഭാജ്യ ഘടകമായിരുന്ന ഹര്‍ദിക്കിനെ അടുത്ത സീസണ്‍ മുതല്‍ ടീമില്‍ നിലനിര്‍ത്താന്‍ മാനേജ്‌മെന്റ് തയ്യാറായിരുന്നില്ല. ഇതിന് പിന്നാലെയാണ് അഹമ്മദാബാദ് ഫ്രഞ്ചൈസി താരത്തെ നോട്ടമിട്ടത്. രോഹിത് ശര്‍മ, സൂര്യകുമാര്‍ യാദവ്, കീറോണ്‍ പൊള്ളാര്‍ഡ്, ജംസ്പ്രീത് ബൂംമ്ര എന്നിവരെയാണ് മുംബൈ ടീമില്‍ നിലനിര്‍ത്തിയിരുന്നത്.
ടീമിന്റെ മുഖ്യകോച്ചായി മുന്‍ ഇന്ത്യന്‍ ഇതിഹാസ പേസര്‍ ആശിശ് നെഹ്‌റ എത്തിയേക്കുമെന്ന് സൂചനകളുണ്ട്. റോയല്‍ ചലഞ്ചേഴ്‌സ് ബാംഗ്ലൂരിന്റെ അസിസ്റ്റന്റ് കോച്ചായി നെഹ്‌റക്ക് പ്രവര്‍ത്തി പരിചയമുണ്ട്. വിക്രം സോളങ്കി ടീമിന്റെ ഡയറക്ടറാവുമെന്നും ഗാരി കിര്‍സ്റ്റന്‍ മെന്ററായി എത്തുമെന്നും സൂചനകളുണ്ട്.
സി വി സി ക്യാപിറ്റലാണ് അഹമ്മദാബാദ് ടീമിന്റെ ഉടമകള്‍. ഇതുവരെ പേരിട്ടിട്ടില്ലാത്ത അഹമ്മദാബാദ് ടീമിന് പുറമേ ആര്‍ പി എസ് ജി ഗ്രൂപ്പിന്റെ ഉടമസ്ഥതയില്‍ ലക്‌നോ ആസ്ഥാനമായും ഒരു ടീം അടുത്ത സീസണില്‍ കളിക്കും.
Latest
പാലക്കാട് റെയില്‍വേ സ്റ്റേഷനില്‍ ഉപേക്ഷിക്കപ്പെട്ട ബാഗില്‍ 11 കിലോ കഞ്ചാവ് കണ്ടെത്തി
കൊല്ലം ചടയമംഗലത്തെ ഹോട്ടലില്‍ നിന്നും ഷവര്‍മയും അല്‍ഫാമും കഴിച്ചവര്‍ക്ക് ഭഷ്യ വിഷബാധ
സംസ്ഥാനത്ത് കൊടും ചൂട് കുറയുന്നു ; ഉഷ്ണ തരംഗ മുന്നറിയിപ്പ് പിന്‍വലിച്ചു
രോഹിത് വെമുല കേസ്; തെലങ്കാന മുഖ്യമന്ത്രി രേവന്ത് റെഡ്ഡി കുടുംബവുമായി കൂടിക്കാഴ്ച നടത്തും
താമരശ്ശേരിയില്‍ അതിഥി തൊഴിലാളിയെ തോക്ക് ചൂണ്ടി തട്ടിക്കൊണ്ടുപോയി ; പ്രതി പിടിയില്‍
പ്രചാരണത്തിന് പണമില്ല ; ഒഡീഷയില്‍ കോണ്‍ഗ്രസ് സ്ഥാനാര്‍ഥി പത്രിക പിന്‍വലിച്ചു
