National
ബിഎസ്എഫ് ജവാന്‍ പാകിസ്താന്‍ പിടിയിലായിട്ട് അഞ്ചാം ദിവസം; നയതത്ര ഇടപെടലുകള്‍ തുടരുന്നു
പി കെ ഷായുടെ തിരിച്ചുവരവ് വൈകുന്ന സാഹചര്യത്തില്‍ പഞ്ചാബിലെത്തി ഉദ്യോഗസ്ഥരെ കാണുമെന്ന് ജവാന്റെ ഭാര്യ അറിയിച്ചു.
ന്യൂഡല്‍ഹി| ബിഎസ്എഫ് ജവാന്‍ പാകിസ്താന്റെ പിടിയിലായിട്ട് അഞ്ചാം ദിവസം. പഞ്ചാബ് അതിര്‍ത്തിയില്‍വച്ചാണ് പാക് റേഞ്ചേഴ്സ് ബിഎസ്എഫ് ജവാനെ പിടികൂടിയത്. ബിഎസ്എഫ് ജവാന്‍ പി കെ ഷായുടെ തിരിച്ചുവരവ് വൈകുന്ന സാഹചര്യത്തില്‍ പഞ്ചാബിലെത്തി ഉദ്യോഗസ്ഥരെ കാണുമെന്ന് ജവാന്റെ ഭാര്യ അറിയിച്ചു. തിരിച്ചുവരവിന് സാധ്യമായതൊക്കെ ചെയ്യണമെന്ന് കേന്ദ്രസര്‍ക്കാരിനോട് അഭ്യര്‍ത്ഥിക്കുമെന്ന് ഷായുടെ മാതാപിതാക്കള്‍ പറഞ്ഞു.
അതേസമയം ജവാന്റെ ഭാര്യയെയും മാതാപിതാക്കളെയും ബിഎസ്എഫ് ഉദ്യോഗസ്ഥര്‍ നേരില്‍കണ്ടിരുന്നു. ഷായെ തിരികെ കൊണ്ടുവരാനുള്ള എല്ലാ ശ്രമങ്ങളും നടക്കുന്നുവെന്ന് ഉദ്യോഗസ്ഥര്‍ കുടുംബത്തെ അറിയിച്ചു. ജവാനെ കസ്റ്റഡിയിലെടുത്തതിനെത്തുടര്‍ന്ന് ഇന്ത്യ-പാകിസ്താന്‍ അതിര്‍ത്തിയില്‍ വിന്യസിച്ചിരിക്കുന്ന എല്ലാ യൂണിറ്റുകളിലും ബിഎസ്എഫ് അതീവ ജാഗ്രത പുലര്‍ത്തിയിട്ടുണ്ട്.
182ാമത് ബിഎസ്എഫ് ബറ്റാലിയനിലെ കോണ്‍സ്റ്റബിള്‍ ആണ് പി കെ ഷാ. അബദ്ധത്തില്‍ നിയന്ത്രണരേഖ മുറിച്ച് കടന്നപ്പോഴാണ് പാകിസ്താന്‍ റേഞ്ചേഴ്സ് ഷായെ കസ്റ്റഡിയിലെടുത്തത്.
Latest
നെടുവത്തൂര്‍ കിണര്‍ ദുരന്തം; മരിച്ച അര്‍ച്ചനയുടെ മൂന്ന് മക്കളുടെ സംരക്ഷണം സര്‍ക്കാര്‍ ഏറ്റെടുക്കും
പോത്തുണ്ടി സജിത കൊലക്കേസ്;പ്രതി ചെന്താമര കുറ്റക്കാരനെന്ന് കോടതി
കുതിച്ചുയര്‍ന്ന് സ്വര്‍ണവില; ഇന്ന് ഒറ്റയടിക്ക് 2400 രൂപ ഉയര്‍ന്നു
കോണ്‍ഗ്രസിനുള്ളില്‍ ഗ്രൂപ്പില്ല, എങ്ങനെയെങ്കിലും അധികാരത്തില്‍ തിരിച്ചെത്താന്‍ ശ്രമിക്കുമ്പോഴാണോ ഗ്രൂപ്പ്; കെ മുരളീധരന്‍
ആലപ്പുഴയില്‍ പാടത്ത് പണിയെടുക്കുന്നതിനിടെ സ്ത്രീ ഷോക്കേറ്റ് മരിച്ച സംഭവം; കെഎസ്ഇബി ഉദ്യോഗസ്ഥര്‍ക്കെതിരെ നടപടിക്ക് സാധ്യത
കണ്ണൂരില്‍ യശ്വന്ത്പൂര്‍ വീക്കിലി എക്‌സ്പ്രസിനുനേരെ കല്ലേറ്; യാത്രക്കാരന്റെ മുഖത്ത് പരുക്ക്
