Kozhikode
റമസാനിലെ ചിന്തയും പ്രവര്‍ത്തനങ്ങളും തെളിച്ചമുള്ളതാക്കണം: സി മുഹമ്മദ് ഫൈസി
ആത്മീയമായ ഉണര്‍വ് കൈവരിക്കുന്നതോടൊപ്പം ചുറ്റുമുള്ളവരെ പരിഗണിക്കാനും ദീനി സംരംഭങ്ങള്‍ക്ക് കരുത്തുപകരാനും വ്രതകാലത്ത് സാധിക്കണം.
മര്‍കസ് റമസാന്‍ കാമ്പയിനിന്റെ ഭാഗമായി നടന്ന ഒരുക്കം സംഗമം സി മുഹമ്മദ് ഫൈസി ഉദ്ഘാടനം ചെയ്യുന്നു.
കാരന്തൂര്‍ | റമസാന്‍ കാലത്തെ വിശ്വാസിയുടെ പ്രവര്‍ത്തനങ്ങളും ചിന്തയും കൂടുതല്‍ തെളിച്ചമുള്ളതാക്കണമെന്ന് മര്‍കസ് ഡയറക്ടര്‍ ജനറല്‍ സി മുഹമ്മദ് ഫൈസി. മര്‍കസ് റമസാന്‍ കാമ്പയിന്‍ ‘ലയാലീ റമസാന്‍’ നോടനുബന്ധിച്ച് നടത്തിയ വരവേല്‍പ്പ് സംഗമം ‘ഒരുക്കം’ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ആത്മീയമായ ഉണര്‍വ് കൈവരിക്കുന്നതോടൊപ്പം ചുറ്റുമുള്ളവരെ പരിഗണിക്കാനും ദീനി സംരംഭങ്ങള്‍ക്ക് കരുത്തുപകരാനും വ്രതകാലത്ത് സാധിക്കണമെന്നും സി മുഹമ്മദ് ഫൈസി പറഞ്ഞു.
കാമില്‍ ഇജ്തിമാഇല്‍ നടന്ന സംഗമത്തില്‍ അഡ്വ. മുഹമ്മദ് ശരീഫ് അധ്യക്ഷത വഹിച്ചു. മുഹമ്മദലി സഖാഫി വള്ളിയാട് റമസാന്‍ കാമ്പയിന്‍ പദ്ധതി അവതരിപ്പിച്ചു. അക്ബര്‍ ബാദുഷ സഖാഫി, അബൂബക്കര്‍ ഹാജി കിഴക്കോത്ത്, കെ കെ ഷമീം, ഹനീഫ് അസ്ഹരി പ്രസംഗിച്ചു.
കമ്മ്യൂണിറ്റി ഇഫ്താര്‍ അടക്കമുള്ള വിവിധ സാമൂഹിക ക്ഷേമ പദ്ധതികളുടെയും മര്‍കസ് സഹായനിധിയുടെയും പ്രഖ്യാപനവും നടത്തി. അടുത്തിടെ വിടപറഞ്ഞ മര്‍കസ് സഹകാരികളുടെയും കുടുംബാംഗങ്ങളുടെയും പേരില്‍ പ്രത്യേക പ്രാര്‍ഥനയും ചടങ്ങില്‍ നടന്നു.
Latest
പാലക്കാട്, കോഴിക്കോട് ഉഷ്ണതരംഗം തുടരും
25.72 ലിറ്റർ മൈലേജ്; 2024 മാരുതി സ്വിഫ്റ്റ് മെയ് ഒൻപതിന് വിപണിയിലേക്ക്; ലോഞ്ചിന് മുമ്പേ വിവരങ്ങൾ ചോർന്നു
ഷാഫി പറമ്പില്‍ രാഷ്ട്രീയ വിഷമാണെന്ന് എ എ റഹീം
നിലയ്ക്കല്‍ ബേസ് ക്യാമ്പിലെ പമ്പും മോട്ടോറുകളും മോഷ്ടിച്ച് കടത്തി: മൂന്നു യുവാക്കള്‍ അറസ്റ്റില്‍
അധ്യാപകന്‍ കാറിനുള്ളില്‍ മരിച്ച നിലയില്‍
കള്ളക്കടല്‍ ; കേരള തീരത്തും, തെക്കന്‍ തമിഴ്നാട് തീരത്തും റെഡ് അലര്‍ട്ട് പ്രഖ്യാപിച്ചു
