Kerala
2.075 കിലോഗ്രാം ഹൈബ്രിഡ് കഞ്ചാവ് കടത്തിയ കേസ്; മുന്നാം പ്രതി അറസ്റ്റില്‍
വില്പനയ്ക്കായി കഞ്ചാവ് എത്തിച്ച് നല്‍കിയ നാലാം പ്രതി ദേവീകൃഷ്ണ (26)യെ കോട്ടയത്തു നിന്നും പിടികൂടിയിരുന്നു.
റാന്നി| വില്പനയ്ക്കായി ഹൈബ്രിഡ് കഞ്ചാവ് എത്തിച്ച് നല്‍കിയ കേസിലെ മുന്നാം പ്രതിയും അറസ്റ്റില്‍. പത്തനംതിട്ട പ്രമാടം മല്ലശ്ശേരി ജംഗ്ഷനില്‍ പൊരിയോടി മണ്ണില്‍ അഭിലാഷ് (26) ആണ് ബാംഗ്ലൂര്‍ ബിദ്രഹള്ളിയില്‍ നിന്നും അറസ്റ്റിലായത്. കഴിഞ്ഞമാസം 26ന് കഞ്ചാവ് കാറില്‍ കടത്തി കൊണ്ട് വരുന്നു എന്നുള്ള രഹസ്യ വിവരത്തിന്റെ അടിസ്ഥാനത്തില്‍ പെരുമ്പുഴയില്‍ പ്രതികള്‍ സഞ്ചരിച്ച കാര്‍ തടഞ്ഞ് റാന്നി പോലീസ് രണ്ട് പേരെ അറസ്റ്റ് ചെയ്തിരുന്നു.
പത്തനംതിട്ട താന്നിമൂട്ടില്‍ മുഹമ്മദ് ആഷിഫ് ഷാജി (19) പടിഞ്ഞാറേവീട്ടില്‍ സഞ്ജുമനോജ്(24) എന്നിവരെയാണ് 125 ഗ്രാം ഹൈബ്രിഡ് കഞ്ചാവ് ഉള്‍പ്പടെ 2.075 കിലോഗ്രാം കഞ്ചാവുമായി പിടികൂടിയത്. വില്പനയ്ക്കായി കഞ്ചാവ് എത്തിച്ച് നല്‍കിയ നാലാം പ്രതി പത്തനംതിട്ട ശ്രീകൃഷ്ണ മഠം വീട്ടില്‍ ദേവീകൃഷ്ണ (26)യെ കോട്ടയത്തു നിന്നും പിടികൂടിയിരുന്നു. റാന്നി പോലീസ് ഇന്‍സ്‌പെക്ടര്‍ മനോജ് കുമാറിന്റെ നേതൃത്വത്തില്‍ എസ് ഐ സിബി എസ്, എ എസ് ഐ. ബിജുമാത്യു,സി പി ഒ ശ്രീരാജ് എന്നിവരടങ്ങിയ സംഘമാണ് പ്രതിയെ പിടികൂടിയത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
Latest
വിദ്യാര്‍ഥിനിയെ യന്ത്രവാള്‍ കൊണ്ട് ആക്രമിച്ച യുവാവിന് പോലീസിന്റെ വെടിയേറ്റു; വലത് കാല്‍ മുറിച്ചുമാറ്റി
ആന്ധ്രയിലും ഒഡീഷയിലും നാശം വിതച്ച് 'മുരാസു' ചുഴലിക്കാറ്റ് ; രണ്ടുപേര്‍ മരിച്ചു, വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി
ഷാര്‍ജ അന്താരാഷ്ട്ര പുസ്തകമേളക്ക് ഇന്ന് തുടക്കം
റഷ്യ-യുക്രൈന്‍ സമാധാന ചര്‍ച്ച; ഈമാസം 10, 11 തിയ്യതികളില്‍ അബൂദബിയില്‍
ജോര്‍ജിയ സെനറ്റ് തിരഞ്ഞെടുപ്പ്: ഡെമോക്രാറ്റ് ജോണ്‍ ഓസോഫ് വീണ്ടും തിരഞ്ഞെടുക്കപ്പെട്ടു
സയ്യിദ് അലി ബാഫഖി തങ്ങൾക്ക് യാത്രാമൊഴി
