ഈ പൂക്കൾ ചിത്രശലഭങ്ങളെ മാടിവിളിക്കും

ചിത്രശലഭങ്ങൾക്ക് എല്ലാ പൂക്കളും ഇഷ്ടമാണെന്ന് അറിയാം. എന്നാൽ ചിത്രശലഭങ്ങളെ കൂടുതൽ ആകർഷിക്കാൻ നിങ്ങളുടെ പൂന്തോട്ടത്തിൽ ഏതൊക്കെ പൂക്കൾ ആണ് ഉൾപ്പെടുത്തേണ്ടത് എന്ന കാര്യം അറിയാമോ? അവ ഏതൊക്കെയെന്ന് നോക്കാം.

കോസ്മോസ്

പിങ്ക് വെള്ള അല്ലെങ്കിൽ ചുവപ്പു നിറങ്ങളിലുള്ള ഈ അധിലോല പുഷ്പം ഡെയ്സി പൂ പോലെയാണ് കാണപ്പെടുന്നത്. ചിത്രശലഭങ്ങളെ ആകർഷിക്കുന്നതിൽ മിടുക്കരാണ് ഈ പുഷ്പങ്ങൾ.

ജമന്തി

തിളക്കമുള്ള മഞ്ഞ ഓറഞ്ച് നിറങ്ങൾക്ക് പേരുകേട്ട ജമന്തി
പൂവ് ചിത്രശലഭങ്ങളെ ആകർഷിക്കുന്നു. പ്രകൃതിയിൽ ധാരാളമായി കാണുന്ന പൂവാണിത്.

സീനിയ

ഈ മനോഹര പുഷ്പവും ചിത്രശലഭങ്ങളുടെ ഇഷ്ട പൂവാണ്. ചിത്രശലഭങ്ങൾക്ക് എളുപ്പത്തിൽ പൂന്തേൻ നുകരാനും ഇറങ്ങാനും ഈ ചെടിയിൽ സൗകര്യമുണ്ട്.

പെന്രാസ്

ഉഷ്ണ മേഖല പ്രദേശങ്ങളിൽ വർഷം മുഴുവനും പൂക്കുന്ന ഈ പുഷ്പം പൊതുവേ ചിത്രശലഭങ്ങളുടെ ഇഷ്ടപുഷ്പമാണ്.

സാൽവിയ

പർപ്പിൾ ലൈലാക്ക് നിറങ്ങളിലുള്ള സാൽവിയകൾ പൂക്കളുടെ തേനും നീണ്ട പൂക്കാലവും കൊണ്ട് ചിത്ര ശലഭങ്ങൾക്ക് പ്രിയപ്പെട്ടവയാണ്. ഇനി നിങ്ങളുടെ പൂന്തോട്ടങ്ങളിൽ ചിത്രശലഭങ്ങളെ ആഘോഷിക്കാനായി ഈ ചെടികൾ വച്ചുപിടിപ്പിച്ചോളൂ.