Kerala
ബക്കറ്റിന്റെ മൂടിയെടുക്കാന്‍ കിണറ്റിലിറങ്ങിയ യുവാവ് ശ്വാസം മുട്ടി മരിച്ചു
സമീപവാസികള്‍ വിവരം അറിയിച്ചതിനെ തുടര്‍ന്ന് സ്ഥലത്തെത്തിയ അഗ്നിരക്ഷാസേന രണ്ടു മണിക്കൂര്‍ കഠിന പരിശ്രമത്തിനൊടുവിലാണ് അന്‍സറിനെ കിണറ്റില്‍ നിന്നും പുറത്തെത്തിച്ചത്.
പോത്തന്‍കോട് | പോത്തന്‍കോട് ബക്കറ്റിന്റെ മൂടിയെടുക്കാന്‍ കിണറ്റിലിറങ്ങിയ മുപ്പത്തിയൊന്നുകാരന്‍ ശ്വാസം മുട്ടി മരിച്ചു.അണ്ടൂര്‍ക്കോണം പള്ളിയാപറമ്പ് ക്ഷേത്രത്തിനു സമീപം അന്‍സര്‍ മന്‍സിലില്‍ അന്‍സര്‍ ആണ് മരിച്ചത്.
65 അടിയോളം താഴ്ചയിലുള്ള കിണറ്റില്‍ ബക്കറ്റിന്റെ മൂടിയെടുക്കാനിറങ്ങിയ അന്‍സര്‍ 4തൊടി എത്തുമ്പോഴേക്കും ശുദ്ധവായു ലഭിക്കാതെ കുഴഞ്ഞു വീഴുകയായിരുന്നു.സംഭവത്തെ തുടര്‍ന്ന് ഭാര്യ സുറുമി നിലവിളിക്കുകയും നാട്ടുകാര്‍ ഓടികൂടുകയും ചെയ്തു. സമീപവാസികള്‍ വിവരം അറിയിച്ചതിനെ തുടര്‍ന്ന് സ്ഥലത്തെത്തിയ അഗ്നിരക്ഷാസേന രണ്ടു മണിക്കൂര്‍ കഠിന പരിശ്രമത്തിനൊടുവിലാണ് അന്‍സറിനെ കിണറ്റില്‍ നിന്നും പുറത്തെത്തിച്ചത്.
കഴക്കൂട്ടത്തെ സ്വകാര്യ ആശുപത്രിയില്‍ അന്‍സറിനെ പ്രവേശിപ്പിച്ചെങ്കിലും മരണം സംഭവിച്ചു. കുവൈറ്റില്‍ വിസിറ്റിങ് വിസയില്‍ ജോലിതേടി പോയ അന്‍സര്‍ ഒരുമാസം മുന്‍പാണ് നാട്ടിലെത്തിയത്.
Latest
കാഞ്ഞങ്ങാട്ട് സ്‌കൂട്ടറില്‍ കാറിടിച്ച് ദമ്പതികള്‍ മരിച്ചു
എയര്‍ ഇന്ത്യ വിമാനത്തിന്റെ തിരിച്ചിറക്കല്‍; പ്രതിസന്ധിയിലായ യാത്രക്കാര്‍ പ്രതിഷേധത്തില്‍
ഗുഡ്‌സ് ട്രെയിന്‍ ട്രാക്കില്‍ നിര്‍ത്തിയിട്ട സംഭവം; സുരക്ഷാ വീഴ്ചയില്ലെന്ന് സ്‌റ്റേഷന്‍ മാസ്റ്റര്‍
അബ്ദുല്‍ റഹീമിന്റെ മോചനം; നീക്കങ്ങള്‍ സജീവമാക്കി സഹായ സമിതി
പന്തീരാങ്കാവ് സ്ത്രീധന പീഡനക്കേസ്: സീനിയര്‍ സിവില്‍ പോലീസ് ഓഫീസര്‍ക്ക് സസ്‌പെന്‍ഷന്‍
വിരലിനു പകരം നാവിന് ശസ്ത്രക്രിയ; കുട്ടിയുടെ കുടുംബം പറയുന്നതില്‍ കഴമ്പുണ്ടെന്ന് പോലീസിന്റെ പ്രാഥമിക നിഗമനം
