Kerala
അമിത വേഗത്തില്‍ എത്തിയ കാര്‍ തടഞ്ഞു; മയക്കുമരുന്നു കടത്തിയ യുവതിയും സംഘവും പിടിയില്‍
തൃശൂര്‍ അഴീക്കോട് സ്വദേശി ശ്രീക്കുട്ടി, ചാലക്കുടി മേലൂര്‍ സ്വദേശി വിനു, അടിമാലി സ്വദേശി സുധീഷ് എന്നിവരെയാണ് റൂറല്‍ ജില്ലാ ഡാന്‍സാഫ് ടീമും അങ്കമാലി പോലീസും ചേര്‍ന്ന് പിടികൂടിയത്.
കൊച്ചി | അമിത വേഗത്തിലെത്തിയ വാഹനം തടഞ്ഞ് നിര്‍ത്തി പോലീസ് നടത്തിയ പരിശോധനയില്‍ യുവതിയും സംഘവും കടത്തിയ രാസലഹരി പിടികൂടി. അങ്കമാലി ടൗണിലൂടെ അമിത വേഗത്തിലെത്തിയ ബൊലോറെ കാര്‍ അങ്കമാലി ടി ബി ജംഗ്ഷനില്‍ വച്ചാണ് പോലീസ് സാഹസികമായി തടഞ്ഞ് നിര്‍ത്തിയത്.
തൃശൂര്‍ അഴീക്കോട് സ്വദേശി ശ്രീക്കുട്ടി, ചാലക്കുടി മേലൂര്‍ സ്വദേശി വിനു, അടിമാലി സ്വദേശി സുധീഷ് എന്നിവരെയാണ് റൂറല്‍ ജില്ലാ ഡാന്‍സാഫ് ടീമും അങ്കമാലി പോലീസും ചേര്‍ന്ന് പിടികൂടിയത്. ആകെ 325 ഗ്രാം എം ഡി എം എ, പത്ത് ഗ്രാം എക്സ്റ്റസി എന്നിവയാണ് കണ്ടെത്തിയത്. എം ഡി എം എയേക്കാളും അപകടകാരിയാണ് എക്സ്റ്റസി.
വാഹനത്തിന്റെ ഡ്രൈവര്‍ സീറ്റ് തുറന്ന് പരിശോധിച്ചപ്പോഴാണ് 11 പ്രത്യേക പായ്ക്കറ്റുകളില്‍ മയക്ക് മരുന്ന് കണ്ടെത്തിയത്. ബെംഗലൂരുവില്‍ നിന്നാണ് ഇത് കൊണ്ടുവന്നത്. ജില്ലാ പോലീസ് മേധാവി ഡോ.വൈഭവ് സക്‌സേനയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. ബെംഗളൂരുവില്‍ നിന്നെത്തിക്കുന്ന രാസലഹരി ഇവര്‍ വിവിധ പ്രദേശങ്ങളിലായി വിതരണം ചെയ്തുവെന്നാണ് വിവരം.
Latest
ദേവസ്വം ബോര്‍ഡ് ഉടച്ചുവാര്‍ക്കണം, ശബരിമല തട്ടിപ്പില്‍ സി ബി ഐ അന്വേഷണം വേണം: വെള്ളാപ്പള്ളി
മോഷണ ശ്രമത്തിനിടെ ഓടിരക്ഷപ്പെടാന്‍ ശ്രമിച്ചയാള്‍ ട്രെയിന്‍ തട്ടി മരിച്ചു
ബിഹാര്‍: തിരഞ്ഞെടുപ്പ് നടപടികള്‍ നവംബര്‍ 22നു മുമ്പ് പൂര്‍ത്തിയാക്കും
നാടിന് നരകം സമ്മാനിച്ച് ഏതോ സ്വര്‍ഗത്തിനു വേണ്ടി കാത്തിരിക്കുന്നവരാണ് മുസ്‌ലിം ലീഗുകാര്‍; വിവാദ പരാമര്‍ശവുമായി പി സരിന്‍
ലഡാക്ക് വെടിവെപ്പില്‍ ജുഡീഷ്യല്‍ അന്വേഷണം വേണം; ജയിലില്‍ നിന്ന് സന്ദേശവുമായി വാങ്ചുക്
ഒമ്പത് വയസ്സുകാരിയുടെ വലതുകൈ മുറിച്ചുമാറ്റിയ സംഭവം: ചികിത്സാ പിഴവ് ഉണ്ടായിട്ടില്ലെന്ന് റിപോര്‍ട്ട്
