Kerala
താമരശ്ശേരി ഷഹബാസ് കൊലപാതകം; കുറ്റാരോപിതരുടെ ജാമ്യാപേക്ഷ വിധി പറയാന് മാറ്റി
ജാമ്യാപേക്ഷയില് വിധി 8ന്
കോഴിക്കോട് | താമരശ്ശേരി ഷഹബാസ് കൊലപാതകക്കേസില് കുറ്റാരോപിതരായ വിദ്യാര്ഥികളുടെ ജാമ്യാപേക്ഷ വിധി പറയാനായി ഏപ്രില് എട്ടിലേക്ക് മാറ്റി.കോഴിക്കോട് ജില്ലാ സെഷന്സ് കോടതിയാണ് കേസില് വിധി പറയുക.
ജുവൈനല് ജസ്റ്റിസ് ബോര്ഡ് ജാമ്യാപേക്ഷ തള്ളിയതോടെയാണ് കുറ്റാരോപിതര് ജില്ലാ സെഷന്സ് കോടതിയെ സമീപിച്ചത്. അന്വേഷണം പ്രാഥമിക ഘട്ടത്തിലാണ്.കുറ്റാരോപിതര്ക്ക് പ്രായപൂര്ത്തിയായില്ലെന്ന പരിഗണന വച്ച് ജാമ്യം നല്കരുതെന്നും പ്രോസിക്യൂഷന് വാദിച്ചു.പ്രതി പട്ടികയിലുള്ള ആറ് വിദ്യാര്ഥികള്ക്കും ക്രിമിനല് സ്വഭാവമുണ്ടെന്നും ഇവര്ക്ക് ജാമ്യം നല്കരുതെന്നും നേരത്തെ ഷഹബാസിന്റെ പിതാവ് കോടതിയെ അറിയിച്ചിരുന്നു.
കഴിഞ്ഞ മാസം 28നാണ് താമരശേരിയില് രണ്ട് സ്കൂളുകളിലെ വിദ്യാര്ഥികള് തമ്മില് ഉണ്ടായ സംഘര്ഷത്തില് ഷഹബാസിന് ഗുരുതര പരുക്കേറ്റത്. ഇതിനെ തുടര്ന്ന് ഷഹബാസിനെ ആശുപത്രിയില് പ്രവേശിപ്പിച്ചെങ്കിലും വെന്റിലേറ്ററില് ചികിത്സയില് കഴിയവേ മരണം സംഭവിക്കുകയായിരുന്നു.തുടര്ന്ന് താമരശേരി പോലീസ് ഇന്സ്പെക്ടര് സായൂജന്റെ നേതൃത്വത്തില് നടത്തിയ അന്വേഷണത്തില് ആക്രമിച്ച ആറ് പേരെ പോലീസ് കസ്റ്റഡിയിലെടുക്കുകയായിരുന്നു.
Latest
ഹജ്ജ്: ഇറാഖില് നിന്നുള്ള ആദ്യ തീര്ത്ഥാടക സംഘം അറാര് വഴി സഊദിയിലെത്തി
ചക്ക വീണ് മൂര്ഖന് പാമ്പ് ചത്തു
അട്ടപ്പാടിയിൽ പാറയിടുക്കിൽനിന്ന് രക്ഷപ്പെടുത്തിയ ആനക്കുട്ടി ചരിഞ്ഞു
ഹജ്ജ് നിയമ ലംഘനം; മൂന്ന് ഈജിപ്ഷ്യന് പൗരന്മാര് അറസ്റ്റില്
നടിയെ ആക്രമിച്ച കേസ്; ലീഗല് സപ്പോര്ട്ട് ട്രസ്റ്റ് രൂപീകരിച്ചു
ഇന്ത്യയും ന്യൂസിലന്ഡും സ്വതന്ത്ര വ്യാപാര കരാറില് ഒപ്പുവെച്ചു; കയറ്റുമതി മേഖലയ്ക്ക് വന് കുതിച്ചുചാട്ടം, പ്രോഫഷണലുകള്ക്കും ഗുണകരമാകും
