ഭീകരപ്രവര്‍ത്തനം കൊണ്ട് ജമ്മു കശ്മീരിന്റെ വികസനം തടയാനാകില്ല: പ്രധാന മന്ത്രി

ശ്രീനഗര്‍ | ഭീകരവാദത്തിനെതിരെ രാജ്യത്തിന്റെ നിലപാട് ആവര്‍ത്തിച്ച് വ്യക്തമാക്കി പ്രധാന മന്ത്രി നരേന്ദ്ര മോദി. ഭീകരപ്രവര്‍ത്തനം കൊണ്ട് ജമ്മു കശ്മീരിന്റെ വികസനം തടയാനുള്ള ശ്രമങ്ങളൊന്നും വിജയിക്കില്ലെന്ന് പ്രധാനമന്ത്രി വ്യക്തമാക്കി. ഇന്ന് ജമ്മു കശ്മീരില്‍ വിവിധ വികസന പദ്ധതികള്‍ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.

ഓപറേഷന്‍ സിന്ദൂറിലൂടെ ഭീകരവാദികള്‍ക്ക് കനത്ത തിരിച്ചടി നല്‍കാന്‍ ഇന്ത്യക്ക് കഴിഞ്ഞു. വികസന പദ്ധതികള്‍ രാജ്യത്തിന്റെ കരുത്ത് വര്‍ധിച്ചതിന്റെ തെളിവാണെന്ന് പ്രധാന മന്ത്രി പറഞ്ഞു.

ചെനാബ്, അന്‍ചി പാലങ്ങള്‍ രാജ്യത്തിന് സമര്‍പ്പിച്ച മോദി കത്ര-ശ്രീനഗര്‍ വന്ദേ ഭാരത് ട്രെയിന്‍ സര്‍വീസ് ഫ്‌ളാഗ് ഓഫ് ചെയ്തു.