Kerala
റോഡ് വികസനം: പ്രദേശവാസികളുടെ പ്രശ്നങ്ങളും വികാരങ്ങളും പരിഗണിക്കണമെന്ന് സമദാനി
ജനങ്ങള്ക്കുള്ള പരാതികള് പരിഹരിക്കാനുള്ള നിര്ദേശം ബന്ധപ്പെട്ട സര്ക്കാര് വകുപ്പുകള്ക്ക് സ്ഥിരസമിതി നല്കണമെന്നും ട്രാന്സ്പോര്ട്ട്, ടൂറിസം, കള്ച്ചര് സ്റ്റാന്ഡിങ് കമ്മിറ്റിയുടെ ആദ്യ യോഗത്തില് സമദാനി.
ന്യൂഡല്ഹി | റോഡ് വികസനം അനിവാര്യവും ജനങ്ങള്ക്ക് ഏറെ ഉപകാരപ്രദവുമാണെങ്കിലും തത്സംബന്ധമായ പ്രവര്ത്തനങ്ങളില് പ്രദേശവാസികളായ നാട്ടുകാരുടെ പ്രശ്നങ്ങളും വികാരങ്ങളും അര്ഹിക്കുന്ന ഗൗരവത്തോടെ പരിഗണിക്കാതെ പോകുന്ന രീതി തിരുത്തണമെന്ന് ഡോ. എം പി. അബ്ദുസ്സമദ് സമദാനി. ഗതാഗതവുമായി ബന്ധപ്പെട്ട പാര്ലിമെന്ററി സ്ഥിരസമിതി യോഗത്തിലാണ് സമദാനി ഇക്കാര്യം ആവശ്യപ്പെട്ടത്. ഇത് സംബന്ധമായി ജനങ്ങള്ക്കുള്ള പരാതികള് പരിഹരിക്കാനുള്ള നിര്ദേശം ബന്ധപ്പെട്ട സര്ക്കാര് വകുപ്പുകള്ക്ക് സ്ഥിരസമിതി നല്കണമെന്നും ട്രാന്സ്പോര്ട്ട്, ടൂറിസം, കള്ച്ചര് സ്റ്റാന്ഡിങ് കമ്മിറ്റിയുടെ ആദ്യ യോഗത്തില് സമദാനി പറഞ്ഞു.
കേരളം മറ്റു സംസ്ഥാനങ്ങളുമായി താരതമ്യം ചെയ്യുമ്പോള് ജനങ്ങള് ഏറെ താമസിക്കുന്ന പ്രദേശമാണ്. അതിനാല് അവിടുത്തെ റോഡ് വികസനത്തില് അക്കാര്യം വേണ്ടവിധത്തില് പരിഗണിക്കപ്പെട്ടില്ലെന്ന് ദേശീയ പാത-66ന്റെ വികസന പ്രവര്ത്തനം ചൂണ്ടിക്കാണിച്ചുകൊണ്ട് സമദാനി പറഞ്ഞു.
ഇത്തരം പ്രവര്ത്തനങ്ങളില് എം പിമാരടക്കമുള്ള ജനപ്രതിനിധികളുടെ അഭിപ്രായങ്ങള് കണക്കിലെടുക്കാനും അവരെ വിശ്വാസത്തിലെടുത്തു കൊണ്ട് അവരുന്നയിക്കുന്ന ജനകീയ പ്രശ്നങ്ങള് പരിഹരിക്കാനും നടപടിയുണ്ടാകണമെന്നും സമദാനി ആവശ്യപ്പെട്ടു.
Latest
പ്ലസ് ടു വിദ്യാര്ഥിനിയെ പീഡിപ്പിച്ചു കൊലപ്പെടുത്തിയ കേസില് പ്രതിക്ക് ഇരട്ട വധശിക്ഷ
'ജെൻ സി' പ്രധാനമന്ത്രിയുടെ അഹങ്കാരം തകർക്കും: രാഹുൽ ഗാന്ധി
ഗണ്മാന്മാരുടെ 'രക്ഷാപ്രവര്ത്തന' കേസ്; എസ് ഐ ടി റിപ്പോര്ട്ട് ഡിജിപിക്ക് കൈമാറി
വയറ്റിൽ കത്രിക കുടുങ്ങിയ സംഭവം; ഹര്ഷിനയ്ക്ക് ജോലി ഉറപ്പ് നല്കി ആരോഗ്യമന്ത്രി
എല്ദോസ് കുന്നപ്പിള്ളി പീഡിപ്പിച്ചിട്ടില്ല; മൊഴി മാറ്റി അതിജീവിത
സംസ്ഥാനത്ത് ഇന്നും ശക്തമായ മഴക്ക് സാധ്യത; ആറ് ജില്ലകളില് യെല്ലോ അലര്ട്ട്
