National
പാകിസ്താന് വേണ്ടി ചാരവൃത്തി; പഞ്ചാബി യൂട്യൂബര്‍ അറസ്റ്റില്‍
രഹസ്യാന്വേഷണ വിവരങ്ങളുടെ അടിസ്ഥാനത്തില്‍ ആണ് ജസ്ബീര്‍ സിങിനെ പിടികൂടിയതെന്ന് പഞ്ചാബ് പോലീസ് അറിയിച്ചു.
അമൃത്സര്‍ | പാകിസ്ഥാനു വേണ്ടി ചാരവൃത്തി നടത്തിയെന്ന് കണ്ടെത്തിയതിനെ തുടര്‍ന്ന് യൂട്യൂബര്‍ അറസറ്റില്‍.പഞ്ചാബില്‍ നിന്നുള്ള നിരവധി സബ്‌സ്‌ക്രൈബര്‍മാരുള്ള ജാന്‍ മഹല്‍ എന്ന യൂട്യൂബ് ചാനല്‍ ഉടമ ജസ്ബിര്‍ സിങാണ് അറസ്റ്റിലായത്.പഞ്ചാബ് റൂപ്‌നഗര്‍ സ്വദേശിയാണ് ജസ്ബീര്‍.
രഹസ്യാന്വേഷണ വിവരങ്ങളുടെ അടിസ്ഥാനത്തില്‍ ആണ് ജസ്ബീര്‍ സിങിനെ പിടികൂടിയതെന്ന് പഞ്ചാബ് പോലീസ് അറിയിച്ചു. ഇയാളുമായി ബന്ധപ്പെട്ട് ഒരു ചാരശൃംഖല തന്നെ പ്രവര്‍ത്തിക്കുന്നുണ്ടെന്നാണ് പോലീസ് നല്‍കുന്ന വിശദീകരണം.സമാന കേസില്‍ ഹരിയാനയില്‍ നിന്ന് അറസ്റ്റിലായ മറ്റൊരു യൂട്യൂബറായ ജ്യോതി മല്‍ഹോത്രയുമായി ഇയാള്‍ക്ക് അടുത്ത ബന്ധമുണ്ടെന്നും പോലീസ് കണ്ടെത്തി.
ജ്യോതി മല്‍ഹോത്രയ്ക്ക് പുറമെ ഡല്‍ഹിയിലെ പാകിസ്ഥാന്‍ ഹൈക്കമ്മീഷനില്‍ നിന്ന് പുറത്താക്കപ്പെട്ട ഉദ്യോഗസ്ഥനുമായ എഹ്‌സാന്‍-ഉര്‍-റഹീം എന്നറിയപ്പെടുന്ന ഡാനിഷ് എന്നിവരുമായും ബന്ധം പുലര്‍ത്തിയിരുന്നെന്നും പറയപ്പെടുന്നു.2020, 2021, 2024 വര്‍ഷങ്ങളില്‍ ജസ്ബീര്‍ പാക്കിസ്ഥാന്‍ സന്ദര്‍ശിച്ചിരുന്നെന്നും വിവരമുണ്ട്.
Latest
കടുത്ത ചൂട്, ദശ ലക്ഷക്കണക്കിന് തീർഥാടകർ; പരിരക്ഷക്ക് ലോകത്തിലെ വലിയ സംവിധാനം
ഈഫല്‍ ടവറിനേക്കാള്‍ ഉയരം; ചെനാബ് റെയില്‍വെ പാലം പ്രധാനമന്ത്രി ഇന്ന് രാജ്യത്തിന് സമര്‍പ്പിക്കും
ട്രംപ് -മസ്‌ക് പോര് മുറുകുന്നു; ഡ്രാഗണ്‍ പേടകം ഡികമ്മിഷന്‍ ചെയ്യാനൊരുങ്ങി മസ്‌ക്
12 രാജ്യങ്ങളില്‍ നിന്നുള്ളവര്‍ക്ക് അമേരിക്കയിലേക്ക് യാത്രാ വിലക്ക്; ഇളവ് പ്രഖ്യാപിച്ച് ട്രംപ്
ബക്രീദ്; സംസ്ഥാനത്തെ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി
നിലമ്പൂര്‍: പ്രചാരണം അസംബന്ധം- കേരള മുസ്‌ലിം ജമാഅത്ത്
