International
തെക്കന് ഫിലിപ്പീന്സില് 350 യാത്രക്കാരുമായി പോയ യാത്രാ ബോട്ട് മുങ്ങി; 15 മരണം, നിരവധി ആളുകളെ കാണാതായി
219 പേരെ രക്ഷപ്പെടുത്തിയതായി അധികൃതര് അറിയിച്ചു.
മനില| തെക്കന് ഫിലിപ്പീന്സില് യാത്രാബോട്ട് മുങ്ങി അപകടം. 350 യാത്രക്കാരുമായി പോയ എംവി തൃഷ കേര്സ്റ്റിന് 3 എന്ന യാത്രാ ബോട്ടാണ് അപകടത്തില്പെട്ടത്. അപകടത്തില് 15 പേര് മരിച്ചു. 219 പേരെ രക്ഷപ്പെടുത്തിയതായി അധികൃതര് അറിയിച്ചു. കാണാതായവര്ക്കായി തിരച്ചില് തുടരുകയാണ്. രക്ഷപ്പെടുത്തിയവരെ തലസ്ഥാന നഗരമായ ഇസബെലയിലെ ഒരു ആശുപത്രിയിലേക്ക് ചികിത്സയ്ക്കായി മാറ്റിയിരിക്കുകയാണ്.
തിങ്കളാഴ്ച പുലര്ച്ചെയാണ് അപകടമുണ്ടായത്. ബലൂക്-ബലൂക് ദ്വീപില് നിന്ന് സുലുവിലേക്ക് യാത്രക്കാരുമായി പോയതായിരുന്നു ബോട്ട്. ശക്തമായ തിരമാലയില് പെട്ട് മുങ്ങുകയായിരുന്നെന്നാണ് വിവരം. ഫിലിപ്പീന് തീരസംരക്ഷണ സേനയുടെ കണക്കനുസരിച്ച്, 27 ജീവനക്കാരും ബാക്കി യാത്രക്കാരുമാണ് ബോട്ടിലുണ്ടായിരുന്നത്.
അലിസണ് ഷിപ്പിങ് ലൈന്സ് എന്ന കമ്പനിയുടേതാണ് ബോട്ട്. ബലൂക്-ബലൂക് ദ്വീപിന് 2.75 നോട്ടിക്കല് മൈല് അകലെ വെച്ച് ശക്തമായ തിരമാലയില് ബോട്ടിന്റെ ഡെക്കില് വെള്ളം കയറുകയായിരുന്നു. ഇതോടെ അധികൃതര്ക്ക് അപായ സന്ദേശം നല്കി. തുടര്ന്ന് കോസ്റ്റ് ഗാര്ഡും മീന്പിടിത്ത ബോട്ടുകളും സ്ഥലത്തെത്തിയാണ് രക്ഷാപ്രവര്ത്തനം നടത്തിയത്.
Latest
രണ്ട് വാഹനങ്ങളില് ഇടിച്ച കെഎസ്ആര്ടിസി ബസിന്റെ പിന് ചക്രങ്ങള് ഊരിത്തെറിച്ചു; അപകടം മണ്ണൂത്തിയില്
തെക്കന് ഫിലിപ്പീന്സില് 350 യാത്രക്കാരുമായി പോയ യാത്രാ ബോട്ട് മുങ്ങി; 15 മരണം, നിരവധി ആളുകളെ കാണാതായി
എസ് എന് ഡി പിയുമായുള്ള ഐക്യം പ്രായോഗികമല്ല; നീക്കത്തില് നിന്ന് പിന്മാറി എന് എസ് എസ്
ശബരിമല സ്വര്ണക്കൊള്ള കേസ്; മൊഴിപകര്പ്പുകള് ഇഡിക്ക് കൈമാറാന് എസ്ഐടി
യു എ ഇയില് കഴിഞ്ഞ വര്ഷം ലഭിച്ചത് 17,000 തൊഴില് പരാതികള്
നിക്ഷേപക സംഗമത്തിന് ഷാര്ജ വേദിയാകുന്നു
