From the print
ന്യൂനപക്ഷ യുവാക്കള്ക്ക് ഒരു ലക്ഷം തൊഴില്: പത്താം വാര്ഷികത്തില് വിപുല പദ്ധതികളുമായി ന്യൂനപക്ഷ കമ്മീഷന്
കഴിഞ്ഞ മെയ് 15നാണ് ന്യൂനപക്ഷ കമ്മീഷന് പത്ത് വര്ഷം പൂര്ത്തിയായത്.
തിരുവനന്തപുരം | കമ്മീഷന് രൂപവത്കരിച്ചതിന്റെ പത്താം വാര്ഷികം ന്യൂനപക്ഷ വിഭാഗങ്ങള്ക്കുള്ള വിപുല പദ്ധതികളോടെ ആഘോഷിക്കാന് കേരള സംസ്ഥാന ന്യൂനപക്ഷ കമ്മീഷന്. കഴിഞ്ഞ മെയ് 15നാണ് ന്യൂനപക്ഷ കമ്മീഷന് പത്ത് വര്ഷം പൂര്ത്തിയായത്. ഇതിന്റെ ഭാഗമായി ന്യൂനപക്ഷ വിഭാഗങ്ങളിലെ ഒരു ലക്ഷം യുവതീ- യുവാക്കള്ക്ക് ഡിസംബറിനുള്ളില് തന്നെ തൊഴില് ലഭ്യമാക്കാനുള്ള പ്രവര്ത്തനങ്ങള് നടപ്പാക്കി വരികയാണെന്ന് കമ്മീഷന് ചെയര്മാന് എ എ റശീദ് പറഞ്ഞു. കേരള നോളജ് ഇക്കോണമി മിഷനും ന്യൂനപക്ഷ കമ്മീഷനും യുവജനങ്ങള്ക്കായി നല്കിവരുന്ന നൈപുണ്യ വൈജ്ഞാനിക തൊഴില് പരിചയം സംബന്ധിച്ച് പ്രത്യേക ബോധവത്കരണ ക്ലാസ്സുകളും സെമിനാറുകളും നടത്തി വരികയാണ്. ക്ലാസ്സുകള് പൂര്ത്തിയായാല് സന്നദ്ധ സംഘടനകളും കമ്പനികളുമായി ബന്ധപ്പെട്ട് തൊഴില്മേള സംഘടിപ്പിക്കുമെന്ന് എ എ റശീദ് വ്യക്തമാക്കി.
സൂക്ഷ്മ ന്യൂനപക്ഷ ജനവിഭാഗങ്ങളെ സംബന്ധിച്ച പഠനം നടത്തി റിപോര്ട്ട് സമര്പ്പിക്കാന് കേരള മീഡിയ അക്കാദമിയുമായി കമ്മീഷന് ധാരണാപത്രം ഒപ്പിട്ടിട്ടുണ്ട്. റിപോര്ട്ട് ഈ മാസം തന്നെ ലഭ്യമാകുമെന്നും എ എ റശീദ് പറഞ്ഞു. ന്യൂനപക്ഷ കമ്മീഷന്റെ പ്രവര്ത്തനങ്ങള് ജനങ്ങളിലേക്കെത്തിക്കുവാന് കമ്മീഷന് പ്രസിദ്ധീകരിച്ചുവരുന്ന ന്യൂസ് ബുള്ളറ്റിനും പൊതുശ്രദ്ധയാകര്ഷിക്കുന്നുണ്ട്.
കമ്മീഷന് പ്രവര്ത്തനങ്ങള്, അധികാരങ്ങള് എന്നിവ സംബന്ധിച്ച് ജനങ്ങള്ക്കിടയില് അവബോധം കൊണ്ടുവരാനുള്ള തീവ്ര ശ്രമത്തിലാണ് കമ്മീഷനെന്നും അദ്ദേഹം വ്യക്തമാക്കി. കമ്മീഷന് അംഗം എ സൈഫുദ്ദീന് ഹാജി, ഫാ. ജെ ജയ രാജ്, എം എ റഹീം വാര്ത്താ സമ്മേളനത്തില് പങ്കെടുത്തു.
Latest
വിവാഹ ചടങ്ങുകള് കഴിഞ്ഞ് മണിക്കൂറുകള്ക്കകം നവവരന് മരിച്ച നിലയില്; ദുരഭിമാനക്കൊലയെന്ന് സംശയം
പൊന്നാനി പീഡനക്കേസ്: മജിസ്ട്രേറ്റ് കോടതി നടപടികള് റദ്ദാക്കണമെന്ന ഹരജി തള്ളി; പ്രതികള്ക്കെതിരെ കേസെടുക്കണമെന്ന് ഹൈക്കോടതി
പവര്ക്കട്ട്: ഓക്സിജന് കിട്ടാതെ രോഗി മരിച്ചു; കെഎസ്ഇബിയില് വിളിച്ചപ്പോള് എന്തുകൊണ്ട് ഇന്വെര്ട്ടര് വാങ്ങിയില്ലെന്ന് മറുപടി
ന്യൂനപക്ഷ കമ്മീഷന് സേവനം പ്രയോജനപ്പെടുത്തണം: എ സൈഫുദ്ദീന്
കെ എസ് യുക്കാരുടെ ചോരയും നീരുമാണ് ഈ സര്ക്കാര്; മുഖ്യമന്ത്രി തന്നോട് ചിരിക്കാതിരുന്നതിന് മറുപടിയില്ല: അലോഷ്യസ് സേവ്യര്
തീവ്രവാദത്തിനും ഭീകരതക്കും ഖുര്ആനിന്റെ പിന്തുണയില്ല; ഖലീലുല് ബുഖാരി തങ്ങള്
