കോട്ടക്കൽ പറപ്പൂരിൽ മാതാവും രണ്ടുമക്കളും മുങ്ങിമരിച്ചു

മലപ്പുറം | കോട്ടക്കൽ പറപ്പൂരിൽ കുളത്തില്‍ കുളിക്കാനിറങ്ങിയ മാതാവും രണ്ടുമക്കളും മുങ്ങിമരിച്ചു. പറപ്പൂർ പഞ്ചായത്തിലെ താഴേക്കാട്ടുകുളത്തെ കുളത്തിൽ ഇന്ന് വൈകുന്നേരമാണ് അപകടം. വീണാലുക്കൽ സ്വദേശികളായ സൈനബ (50), ഫാത്തിമ (16), ആഷിഖ് (22) എന്നിവരാണ് മരിച്ചത്. ഒരാളുടെ മൃതദേഹം വെള്ളത്തിൽ പൊങ്ങിക്കിടക്കുന്നത് കണ്ട് നാട്ടുകാർ നടത്തിയ പരിശോധനയിലാണ് മറ്റുള്ളവരെക്കൂടി കണ്ടെത്തുന്നത്. പ്രദേശവാസികൾ വസ്ത്രമലക്കാനും കുളിക്കാനുമായി എത്തുന്ന കുളമാണിത്.  മൃതദേഹം കോട്ടക്കൽ അൽമാസ് ആശുപത്രിയിലേക്ക് മാറ്റി. പോസ്റ്റ്‌മോർട്ടത്തിന് ശേഷം കുടുംബത്തിന് വിട്ടുനൽകും.