Kerala
മാധ്യമ പ്രവര്‍ത്തകര്‍ ചരിത്രവും നിയമവും അറിയണം: മന്ത്രി വീണാ ജോര്‍ജ്
സത്യം അന്വേഷിക്കുന്നതിനും പറയുന്നതിനും ആര്‍ജവമുള്ള മാധ്യമപ്രവര്‍ത്തകര്‍ പുതിയ തലമുറയില്‍ ഉണ്ടാകണം.
പത്തനംതിട്ട | മാധ്യമ പ്രവര്‍ത്തകര്‍ ചരിത്രവും നിയമവും അറിയണമെന്ന് മന്ത്രി വീണാ ജോര്‍ജ് പറഞ്ഞു. കേരള സംസ്ഥാന യുവജന ക്ഷേമ ബോര്‍ഡ് നേരന്വേഷണം എന്ന പേരില്‍ സംഘടിപ്പിച്ച സംസ്ഥാന യുവ മാധ്യമ ക്യാമ്പിന്റെ ഉദ്ഘാടനം കോന്നിയില്‍ നിര്‍വഹിക്കുകയായിരുന്നു മന്ത്രി.
ചരിത്ര ബോധമുണ്ടെങ്കില്‍ മാത്രമേ വര്‍ത്തമാനത്തെ വ്യാഖ്യാനിക്കുവാനും വരും കാലത്തെക്കുറിച്ച് പ്രവചിക്കുവാനും കഴിയുകയുള്ളു. വാര്‍ത്ത ഇന്ന് ഒരു വാണിജ്യ ഉത്പന്നമായി മാറിയിരിക്കുന്നു. ഇത് ഏറ്റവും നല്ല രീതിയില്‍ എങ്ങനെ വില്‍ക്കാന്‍ കഴിയും എന്നാണ് മാധ്യമ സ്ഥാപനങ്ങള്‍ നോക്കുന്നത്. വിപണിയെ തൃപ്തിപ്പെടുത്താന്‍ ശ്രമിക്കുമ്പോള്‍ പലപ്പോഴും സത്യസന്ധതയ്ക്ക് വിലയില്ലാതാകുന്നു. സത്യം അന്വേഷിക്കുന്നതിനും പറയുന്നതിനും ആര്‍ജവമുള്ള മാധ്യമപ്രവര്‍ത്തകര്‍ പുതിയ തലമുറയില്‍ ഉണ്ടാകണം. സ്വതന്ത്ര മാധ്യമപ്രവര്‍ത്തനവും മാധ്യമ സ്ഥാപനങ്ങളും ഉണ്ടാകേണ്ടതും അവയെ സംരക്ഷിക്കേണ്ടതും അനിവാര്യമാണെന്നമെന്നും മന്ത്രി കൂട്ടിച്ചേര്‍ത്തു. കെ യു ജനീഷ് കുമാര്‍ എം എല്‍ എ അധ്യക്ഷത വഹിച്ചു.
സംസ്ഥാന യുവജനക്ഷേമ ബോര്‍ഡ് വൈസ് ചെയര്‍മാന്‍ എസ് സതീഷ്, ക്യാമ്പ് ഡയറക്ടര്‍ കെ ജെ ജേക്കബ്, സംസ്ഥാന യുവജനക്ഷേമ ബോര്‍ഡ് അംഗങ്ങളായ സന്തോഷ് കാല, എസ് കവിത, യുവജനക്ഷേമ ബോര്‍ഡ് ജില്ലാ യൂത്ത് പ്രോഗ്രാം ഓഫീസര്‍ എസ് ബി ബീന, ജില്ലാ യൂത്ത് കോ- ഓര്‍ഡിനേറ്റര്‍ ബിബിന്‍ എബ്രഹാം പങ്കെടുത്തു. മാര്‍ച്ച് 25 മുതല്‍ 27 വരെ നീണ്ടുനില്‍ക്കുന്ന ക്യാമ്പില്‍ വിവിധ മേഖലകളിലെ വിദഗ്ധര്‍ ക്ലാസുകള്‍ നയിക്കും.
Latest
സംവരണ അട്ടിമറി; കെ വിദ്യയുടെ പി എച്ച് ഡി പ്രവേശനത്തില്‍ കേസെടുത്ത് എസ് സി- എസ് ടി കമ്മിഷന്‍
ബിരുദ വിദ്യാര്‍ഥി കുളത്തില്‍ മുങ്ങി മരിച്ചു
പ്രവര്‍ത്തനങ്ങളിലെ ആത്മാര്‍ത്ഥത വിജയത്തിന് നിദാനം: കാന്തപുരം
പണവും സ്വര്‍ണാഭരണവും കവര്‍ന്ന് വീട്ടുടമയുടെ സ്‌കൂട്ടറുമായി കടന്നയാള്‍ പിടിയില്‍
ആലപ്പുഴയില്‍ കാറ്റിലും മഴയിലും ഏഴ് വീടുകള്‍ തകര്‍ന്നു
കെ ഫോണില്‍ ചൈനീസ് കമ്പനിയുമായുള്ള ഇടപാട് ദുരൂഹം; കേരളം വിശദീകരിക്കണം: കേന്ദ്രമന്ത്രി രാജീവ് ചന്ദ്ര ശേഖര്‍
