പാലക്കാട് ട്വന്റി -20യില്‍ കൂട്ടരാജി

പാലക്കാട് | മുതലമടയില്‍ ട്വന്റി -20യില്‍ നിന്ന് കൂട്ടരാജി. എന്‍ ഡി എയുടെ ഘടകകക്ഷിയായതില്‍ പ്രതിഷേധിച്ചാണ് കൂട്ട രാജി. മുതലമടയിലെ ജനകീയ വികസന മുന്നണി ട്വന്റി -20യില്‍ ലയിച്ചിരുന്നു. ജനകീയ വികസന മുന്നണിയുടെ ഭാഗമായി പ്രവര്‍ത്തിച്ചവര്‍ മുഴുവന്‍ ട്വന്റി -20യില്‍നിന്നു രാജിവെച്ചു ജനകീയ വികസന മുന്നണിയായി തന്നെ തുടരാനാണ് തീരുമാനം.

സാബു എം ജേക്കബ് പാര്‍ട്ടിയുമായി ആലോചിക്കാതെയാണ എന്‍ ഡി എയിലെ ഘടകകക്ഷിയാകാന്‍ തീരുമാനിച്ചത് എന്നാണ് ആക്ഷേപം. മുതലമടയില്‍ ചേര്‍ന്ന യോഗം ട്വന്റി -20യിലെ ലയനം അസാധുവായി പ്രഖ്യാപിച്ച് ജനകീയ വികസന മുന്നണിയായി തുടരാന്‍ തീരുമാനിച്ചു.

നെല്ലിയാമ്പതി, നെന്മാറ തുടങ്ങിയ പാലക്കാട് ജില്ലയിലെ മറ്റ് പ്രദേശങ്ങളിലെ പ്രവര്‍ത്തകരും പാര്‍ട്ടി പ്രവര്‍ത്തനം അവസാനിപ്പിച്ചു. 50ഓളം പേരാണ് പാര്‍ട്ടി വിട്ടത്.