ഒറ്റപ്പാലത്ത് തെരുവ് നായയുടെ കടിയേറ്റയാളുടെ നില ഗുരുതരം

പാലക്കാട്| ഒറ്റപ്പാലം മായന്നൂരില്‍ തെരുവ് നായയുടെ കടിയേറ്റയാളുടെ നില ഗുരുതരം. അബ്ദുല്‍ റഷീദ് എന്നയാളെയാണ് പ്രഭാത നടത്തത്തിനിടെ തെരുവുനായ ആക്രമിച്ചത്. ആദ്യം താലൂക്ക് ആശുപത്രിയിലാണ് പ്രവേശിപ്പിച്ചത്. പിന്നീട് റഷീദിനെ തൃശ്ശൂര്‍ മെഡിക്കല്‍ കോളജിലേക്ക് മാറ്റി. റഷീദിന്റെ കഴുത്തിലും നെഞ്ചിലും രണ്ട് കൈകളിലും കാലിലും കടിയേറ്റിട്ടുണ്ട്.

ആറുപേരെയാണ് തെരുവുനായ ആക്രമിച്ചത്. മായന്നൂര്‍ പാലത്തിനു മുകളില്‍ നടക്കാന്‍ ഇറങ്ങിയവരെയാണു നായ കടിച്ചത്. ഇതില്‍ രണ്ടുപേര്‍ക്കാണ് ഗുരുതരമായി കടിയേറ്റത്.