National
കരൂര് ദുരന്തം; വിജയ് നാളെ ഡല്ഹി സിബിഐ ഓഫീസില് ഹാജരാകും
കരൂര് കേസില് ആദ്യമായാണ് വിജയ്യുടെ മൊഴി രേഖപ്പെടുത്തുന്നത്
ന്യൂഡല്ഹി| കരൂര് ദുരന്തത്തില് തമിഴക വെട്രി കഴകം അധ്യക്ഷന് വിജയ് നാളെ ഡല്ഹി സിബിഐ ഓഫീസില് ഹാജരാകും. രാവിലെ 11 മണിക്ക് ഓഫീസിലെത്തുമെന്നാണ് വിവരം. കരൂര് കേസില് ആദ്യമായാണ് വിജയ്യുടെ മൊഴി രേഖപ്പെടുത്തുന്നത്. നാളെ ഡല്ഹി ഓഫീസില് ഹാജരാകണമെന്നാവശ്യപ്പെട്ട് വിജയ്ക്ക് സിബിഐ സമന്സ് അയച്ചിരുന്നു. നേരത്തെ ടിവികെ ഭാരവാഹികളായ ബുസി ആനന്ദ്, ആധവ് അര്ജുന, സി ടി ആര് നിര്മല്കുമാര്, മതിയഴകന് എന്നിവരെ സിബിഐ ചോദ്യം ചെയ്തിരുന്നു. ഇന്നലെ ആഭ്യന്തര മന്ത്രാലയത്തില് നിന്നുള്ള സംഘം വിജയ്യുടെ കാരവാനിലടക്കം ഫോറന്സിക് പരിശോധന നടത്തിയിരുന്നു.
2025 സെപ്റ്റംബര് 24നാണ് കരൂരിലെ വിജയുടെ റാലിക്കിടെ ദുരന്തമുണ്ടായത്. തിക്കിലും തിരക്കിലുംപെട്ട് 41 പേര്ക്കാണ് ജീവന് നഷ്ടമായത്. തുടര്ന്ന് ടിവികെ അവശ്യപ്രകാരമാണ് സുപ്രിംകോടതി സിബിഐ അന്വേഷണത്തിന് ഉത്തരവിട്ടത്. വിജയ് നായകനായ ജനനായകന് സിനിമയ്ക്ക് സെന്സര് ബോര്ഡ് സര്ട്ടിഫിക്കറ്റ് നല്കണം എന്നാവശ്യപ്പെട്ടുള്ള അപ്പീലും നാളെ സുപ്രിംകോടതിക്കു മുന്നില് എത്തിയേക്കും.
Latest
സ്ഥാനാര്ഥികളെ പ്രഖ്യാപിച്ച് കളം പിടിച്ച് സി പി എം; കെ സുധാകരനെ ഡല്ഹിക്ക് വിളിപ്പിച്ചു
സി പി എം പുറത്താക്കിയ വി കുഞ്ഞികൃഷ്ണന് പയ്യന്നൂരില് സ്ഥാനാര്ഥിയാകും
ഇറാനെതിരായ യുദ്ധം അവസാനിപ്പിക്കണം: ലിയോ മാര്പ്പാപ്പ
ഉംറ വിസക്കാര് ഏപ്രില് 18നകം മടങ്ങണമെന്ന് സഊദി ഹജ്ജ് മന്ത്രാലയം
മാല പൊട്ടിച്ച് 'പമ്പ കടക്കാന്' ശ്രമം; ആറ്റില് ചാടി പിടിച്ച് ആറന്മുള പോലീസ്
നിലമ്പൂരില് പോരാട്ടം കനക്കും; യു ഷറഫലി എല് ഡി എഫ് സ്വതന്ത്രന്
