Saudi Arabia
കാന്തപുരത്തിന്റെ കേരളയാത്ര: ഐ സി എഫ് ദമാം റീജ്യന് ഐക്യദാര്ഢ്യ സമ്മേളനം സംഘടിപ്പിച്ചു
മനുഷ്യര്ക്കൊപ്പം നില്ക്കുക എന്നത് എക്കാലത്തും പ്രസക്തമായ മുദ്രാവാക്യമാണ്.
ദമാം | മനുഷ്യരോടൊപ്പം എന്ന പ്രമേയത്തില് കേരള മുസ്ലിം ജമാഅത്ത് ഇന്ത്യന് ഗ്രാന്ഡ് മുഫ്തി കാന്തപുരം എ പി അബൂബക്കര് മുസ്ലിയാരുടെ നേതൃത്വത്തില് നടക്കുന്ന കേരളയാത്രക്ക് ഐക്യദാര്ഢ്യം പ്രഖ്യാപിച്ച് ‘പ്രവാസവും മനുഷ്യരോടൊപ്പം’ എന്ന ശീര്ഷകത്തില് ഐ സി എഫ് ദമാം റീജ്യന് ഐക്യദാര്ഢ്യ സമ്മേളനം സംഘടിപ്പിച്ചു.
മനുഷ്യര്ക്കൊപ്പം നില്ക്കുക എന്നത് എക്കാലത്തും പ്രസക്തമായ മുദ്രാവാക്യമാണ്. സമൂഹത്തിലെ നിരാലംബരെയും അവശരെയും ചേര്ത്തുപിടിക്കലും എല്ലാ വിഭാഗം മനുഷ്യരുടെ ഒപ്പം നില്ക്കലും എല്ലാവരെയും ഒപ്പം നിര്ത്തലും കാലഘട്ടത്തിന്റെ ആവശ്യമാണ്. മനുഷ്യര്ക്കൊപ്പം നില്ക്കുന്ന സമസ്ത യുടെയും കേരള മുസ്ലിം ജമാഅത്തിന്റെയും മാതൃകയാണ് ഐ സി എഫ് പിന്തുടരുന്നത്.
മനുഷ്യരോടൊപ്പം നില്ക്കുക എന്ന ആശയത്തില് ഊന്നിയാണ് ഓരോ പ്രവാസിയും പ്രവാസം തിരഞ്ഞെടുക്കുന്നത് എന്നും സംഗമം അഭിപ്രായപ്പെട്ടു.
ഹോളിഡേയ്സ് ഹോട്ടലില് നടന്ന പരിപാടിയുടെ ഉദ്ഘാടനം ഐ സി എഫ് റീജ്യന് തസ്ക്കിയ സെക്രട്ടറി റാഷിദ് കോഴിക്കോട് നിര്വഹിച്ചു. റീജ്യന് ജനറല് സെക്രട്ടറി അബ്ബാസ് തെന്നല പ്രമേയ പ്രഭാഷണം നടത്തി. സെക്രട്ടറി സലീം പാലച്ചിറ, ചാപ്റ്റര് നേതാക്കളായ അന്വര് കളറോട്, അബ്ദുല് നാസര് മസ്താന്മുക്ക്, മുഹമ്മദ് റഫീഖ് ചെമ്പോത്തറ പ്രസംഗിച്ചു.
പരിപാടിയോടനുബന്ധിച്ച് പ്രവാസികളുടെ ആരോഗ്യ സംരക്ഷണം ലക്ഷ്യമാക്കി ഐ സി എഫ് ആവിഷ്കരിച്ച ‘Fit4’ വ്യായാമം പരിശീലന ഉദ്ഘാടനം വെസ്റ്റ് ഡിവിഷന് സെക്രട്ടറി ഉമര് പട്ടുവം നിര്വഹിച്ചു.
റീജ്യന് പ്രസിഡന്റ് അഹ്മദ് നിസാമി അധ്യക്ഷത വഹിച്ചു. തസ്ക്കിയ സെക്രട്ടറി അബ്ദുല് മജീദ് ചങ്ങനാശ്ശേരി സ്വാഗതവും വെല്ഫെയര് സെക്രട്ടറി അഹ്മദ് തോട്ടട നന്ദിയും പറഞ്ഞു.
Latest
തായ്ലന്ഡില് പാസഞ്ചര് ട്രെയിനില് ക്രെയിന് ഇടിച്ചുകയറി; 32 പേര് മരിച്ചു, 80 ഓളം പേര്ക്ക് പരുക്ക്
പി പി ദിവ്യയെ ഭാരവാഹിത്വത്തില് നിന്ന് നീക്കി; അഴിച്ചുപണിയുമായി ജനാധിപത്യ മഹിളാ അസോസിയേഷന്
സംസ്ഥാന സ്കൂള് കലോത്സവം; മാപ്പിളപ്പാട്ടില് തുടര്ച്ചയായ നേട്ടവുമായി മഅ്ദിന് വിദ്യാര്ഥി അജ്സല്
ജനുവരി 16 മുതല് ചൈനീസ് പൗരന്മാര്ക്ക് ഫിലിപ്പൈന്സിലേക്ക് വിസ രഹിത പ്രവേശനം
അബ്ബാസ് അരാഗ്ചിയുമായി ഫോണില് സംസാരിച്ച് സഊദി വിദേശകാര്യ മന്ത്രി; പ്രാദേശിക സംഭവവികാസങ്ങള് ചര്ച്ചയായി
അടച്ച വ്യോമാതിര്ത്തി അഞ്ച് മണിക്കൂറിനു ശേഷം തുറന്ന് ഇറാന്
