Kerala
ക്രിമിനല് പശ്ചാത്തലമുള്ളവര്ക്ക് വിരുന്നൊരുക്കിയതില് കാക്കനാട് ജയില് ഉദ്യോഗസ്ഥര്ക്ക് വീഴ്ച
സൂപ്രണ്ടിനോട് ജയില് ഡി ജി പി റിപോര്ട്ട് തേടി
കൊച്ചി | എറണാകുളം ജില്ലാ ജയിലായ കാക്കനാട് ജയിലില് ക്രിമിനല് പശ്ചാത്തലമുള്ളവര്ക്ക് വിരുന്നൊരുക്കിയതില് ജയില് അധികൃതര്ക്ക് വീഴ്ച പറ്റിയെന്ന് സ്പെഷ്യല് ബ്രാഞ്ച് റിപോര്ട്ട്. സന്ദര്ശകരുടെ മേല്വിലാസം എഴുതാതെ പേര് മാത്രമാണ് രജിസ്റ്ററില് രേഖപ്പെടുത്തിയത്. വിഷയത്തില് ജയില് ഡി ജി പി, സൂപ്രണ്ടിനോട് റിപോര്ട്ട് തേടി.
ക്രിമിനല് പശ്ചാത്തലം ഉള്ളവരാണ് വന്നതെന്ന് അറിയില്ലെന്നാണ് സൂപ്രണ്ടിന്റെ വിശദീകരണം. ജയിലിലെ റീല്സ് ചിത്രീകരണത്തില് പോലീസില് പരാതി നല്കുന്നതും ജയില് വകുപ്പിന്റെ പരിഗണനയിലുണ്ട്.
31ന് ജയിലില് നടത്തിയ സത്കാരത്തിലും ഗ്രൂപ്പ് ഫോട്ടോ എടുക്കലിലുമാണ് അറിയപ്പെടുന്ന ഗുണ്ടകള് പങ്കെടുത്തത്. ഇതുമായി ബന്ധപ്പെട്ട വീഡിയോ ദൃശ്യങ്ങള് റീല്സായി സമൂഹമാധ്യമങ്ങളില് പ്രചരിച്ചതോടെയാണ് സംഭവം വിവാദമായത്. ജയില് ഉദ്യോഗസ്ഥരെ ആശ്ലേഷിക്കുന്നതും അവര്ക്കൊപ്പം ഭക്ഷണം കഴിക്കുന്നതുമായ ദൃശ്യങ്ങളാണ് പുറത്തുവന്നത്.
ജയിലിന്റെ കിളിവാതിലിലൂടെ സിനിമാ സ്റ്റൈലില് പുറത്തേക്കിറങ്ങുന്ന വീഡിയോയും സംഘാംഗങ്ങളില് ചിലര് ചിത്രീകരിച്ചു. ഇതും സമൂഹമാധ്യമങ്ങളില് പോസ്റ്റ് ചെയ്തു. അറിയപ്പെടുന്ന നടനും ഗായകനുമായ വ്യക്തിക്കൊപ്പമാണ് ഇവര് ജയിലില് എത്തിയത്. റീല്സില് കാണുന്ന ദ്യശ്യങ്ങള് ജയില് വളപ്പിന് പുറത്തുള്ളതാണെന്നാണ് അധികൃതര് പറയുന്നത്.
Latest
താനൂർ മൂച്ചിക്കലിൽ മധ്യവയസ്കൻ ട്രെയിൻ തട്ടി മരിച്ച നിലയിൽ
ചലച്ചിത്രമേളയില് സിനിമകള്ക്ക് അനുമതി നിഷേധിച്ച കേന്ദ്രസര്ക്കാര് ആരെയാണ് ഭയപ്പെടുന്നത്; മന്ത്രി സജി ചെറിയാന്
ആലപ്പുഴയില് ഓടികൊണ്ടിരുന്ന കെഎസ്ആര്ടി ബസിന്റെ ടയര് ഊരിത്തെറിച്ചു; ഡിവൈഡറില് ഇടിച്ചു കയറി, വന് അപകടം ഒഴിവായി
ഡല്ഹി-ആഗ്ര യമുന എക്സ്പ്രസ് വേയില് വാഹനങ്ങള് കൂട്ടിയിടിച്ച് തീപിടിച്ചു; നാലു മരണം
വയനാട് പച്ചിലക്കാട് ജനവാസ മേഖലയില് ഇറങ്ങിയ കടുവയെ കണ്ടെത്താനുള്ള ദൗത്യം തുടരുന്നു; കടുവയെ തിരിച്ചറിഞ്ഞു
മേയര്, ചെയര്പേഴ്സണ് തെരഞ്ഞെടുപ്പ് ഈ മാസം 26ന്; പഞ്ചായത്തുകളില് 27 ന് പ്രസിഡന്റ് തെരഞ്ഞെടുപ്പ്
