International
ഗ്രെറ്റ തുംബര്‍ഗിനെ ഇസ്‌റാഈല്‍ നാടുകടത്തി
നാടുകടത്തല്‍ നിരസിച്ച മറ്റ് സന്നദ്ധ പ്രവര്‍ത്തകര്‍ തടങ്കലില്‍
തെല്‍ അവീവ് | ഗസ്സയിലേക്ക് മാനുഷിക സഹായവുമായി പോയ മെഡ്‌ലീന്‍ കപ്പലിലുണ്ടായ സന്നദ്ധ പ്രവര്‍ത്തക ഗ്രെറ്റ തുംബര്‍ഗിനെ ഇസ്‌റാഈല്‍ നാടുകടത്തി. ഗ്രെറ്റയും സംഘവും സഞ്ചരിച്ചിരുന്ന കപ്പലും കപ്പലിലുണ്ടായിരുന്നവരെയും ഇസ്‌റാഈല്‍ സൈന്യം ഇന്നലെ പിടികൂടിയിരുന്നു. ഒരു ദിവസത്തിന് ശേഷമാണ് ഗ്രെറ്റയെ നാടുകടത്തിയത്. ഇക്കാര്യം എക്സിലൂടെ ഇസ്‌റാഈല്‍ അറിയിച്ചു. ഗ്രെറ്റ തുംബര്‍ഗ് സ്വീഡനിലേക്കുള്ള വിമാനത്തില്‍ (ഫ്രാന്‍സ് വഴി) ഇസ്‌റാഈലില്‍ നിന്ന് പുറപ്പെട്ടെന്ന് വിദേശകാര്യ മന്ത്രാലയം പറഞ്ഞു. പാരിസിലേക്കാണ് നാടുകടത്തിയതെന്നാണ് സൂചന.
ഗ്രെറ്റ വിമാനത്തിന്റെ സീറ്റില്‍ ഇരിക്കുന്ന ചിത്രവും ഇസ്‌റാഈല്‍ പുറത്തുവിട്ടു. 22കാരിയായ ഗ്രെറ്റയും 11 സന്നദ്ധ പ്രവര്‍ത്തകരുമാണ് മെഡ്‌ലീന്‍ കപ്പലില്‍ ഗസ്സയിലേക്ക് സഹായങ്ങളുമായി പുറപ്പെട്ടത്. കപ്പല്‍ തടയുമെന്ന് നേരത്തേ തന്നെ ഇസ്‌റാഈല്‍ മുന്നറിയിപ്പ് നല്‍കിയിരുന്നു. നാടുകടത്തല്‍ നിരസിച്ച മറ്റ് ആക്ടിവിസ്റ്റുകളെ ഇസ്‌റാഈല്‍ തടങ്കലില്‍ പാര്‍പ്പിച്ചിരിക്കുകയാണ്.
Latest
മലപ്പുറത്ത് അധ്യാപികയുടെ കാര്‍ സ്‌കൂള്‍ ഗ്രൗണ്ടില്‍ വച്ച് വിദ്യാര്‍ത്ഥിനിയെ ഇടിച്ചു; ഗുരുതര പരുക്ക്
യു എ ഇ ഹിജ്റ പുതുവർഷ അവധി പ്രഖ്യാപിച്ചു
സീറോ ഗവൺമെന്റ് ബ്യൂറോക്രസി രണ്ടാം ഘട്ടം പ്രഖ്യാപിച്ചു
അഹമ്മദാബാദ് വിമാന ദുരന്തം: 131 മൃതദേഹങ്ങള്‍ തിരിച്ചറിഞ്ഞു; മലയാളി നഴ്‌സ് രഞ്ജിതയുടെ മൃതദേഹം തിരിച്ചറിഞ്ഞിട്ടില്ല
ഇസ്‌റാഈലില്‍ നിന്ന് ഇന്ത്യക്കാരെ ഒഴിപ്പിക്കുമെന്ന് കേന്ദ്രം; പൂര്‍ണ്ണ പിന്തുണ നല്‍കി ഇസ്‌റാഈല്‍ പ്രതിരോധ മന്ത്രാലയം
ആലപ്പുഴ അര്‍ത്തുങ്കല്‍ ഹാര്‍ബറിന് സമീപം അജ്ഞാത മൃതദേഹം കണ്ടെത്തി
