rain alert
തീവ്രമഴ തുടരും: 12 ജില്ലകളില് ഇന്ന് യെല്ലോ അലേര്ട്ട്
നദി തീരങ്ങള്, ഉരുള്പൊട്ടല്, മണ്ണിടിച്ചില് സാധ്യതയുള്ള ഇടങ്ങളിലുള്ളവര് അതീവ ജാഗ്രത പാലിക്കണം
തിരുവനന്തപുരം | സംസ്ഥാനത്ത് ഇന്നും കാറ്റോട് കൂടിയ കനത്ത മഴയുണ്ടാകുമെന്ന് കേന്ദ്ര കാലാവസ്ഥ വിഭാഗത്തിന്റെ മുന്നറിയിപ്പ്. തിരുവനന്തപുരം, കൊല്ലം ഒഴികയുള്ള 12 ജില്ലകളിലും യെല്ലോ അലേര്ട്ട് പ്രഖ്യേപിച്ചിട്ടുണ്ട്. അടുത്ത നാല് ദിവസം വ്യാപക മഴ തുടരുമെന്നാണ് മുന്നറിയിപ്പ്.
മലയോരമേഖലകളിലും കഴിഞ്ഞ ദിവസങ്ങളില് ശക്തമായ മഴ ലഭിച്ച ഇടങ്ങളിലും പ്രദേശവാസികള് കൂടുതല് ജാഗ്രത പാലിക്കണമെന്ന് നിര്ദ്ദേശമുണ്ട്. 24 മണിക്കൂറില് 64.5 മില്ലി മീറ്റര് മുതല് 115.5 മില്ലി മീറ്റര് വരെയുള്ള മഴയാണ് ശക്തമായ മഴ കൊണ്ട് അര്ഥമാക്കുന്നത്. കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദി തീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം.