Kerala
പരിശീലനത്തിനിടെ ഹൃദയാഘാതം; മലയാളി സൈനികന് ദാരുണാന്ത്യം
തിരുവനന്തപുരം നെയ്യാറ്റിന്‍കര സ്വദേശി പെരുങ്കടവിള ഇന്ദ്രജിത്ത് ഭവനില്‍ ഇന്ദ്രജിത്ത് ആണ് മരിച്ചത്.
ശ്രീനഗര്‍| സൈനിക പരിശീലനത്തിനിടെ ഹൃദയാഘാതത്തെ തുടര്‍ന്ന് മലയാളി ജവാന് ദാരുണാന്ത്യം. ശ്രീനഗറില്‍ നടന്ന സൈനിക പരിശീലനത്തിനിടെയായിരുന്നു സംഭവം. തിരുവനന്തപുരം നെയ്യാറ്റിന്‍കര സ്വദേശി പെരുങ്കടവിള ഇന്ദ്രജിത്ത് ഭവനില്‍ ഇന്ദ്രജിത്ത് (30) ആണ് മരിച്ചത്. ബാരാമുള്ളയിലെ ഫൈവ് എന്‍ജിനിയറിങ് റെജിമെന്റിലെ നായിക്കായിരുന്നു ഇന്ദ്രജിത്ത്.
ശ്രീനഗറിലെ സൈനിക യൂണിറ്റില്‍ പരിശീലന ക്ലാസില്‍ പങ്കെടുക്കുന്നതിനിടെയാണ് ഹൃദയാഘാതമുണ്ടായതെന്ന് അധികൃതര്‍ അറിയിച്ചു. ആശുപത്രിയില്‍ എത്തിച്ചെങ്കിലും മരിച്ചുവെന്നാണ് സൈനിക വൃത്തങ്ങള്‍ ബന്ധുക്കളെ അറിയിച്ചത്. മൃതദേഹം പോസ്റ്റ്‌മോര്‍ട്ടത്തിനുശേഷം ശ്രീനഗറില്‍ നിന്നും വിമാനത്തില്‍ തിരുവനന്തപുരം വിമാനത്താവളത്തില്‍ എത്തിക്കും.
പാങ്ങോട് മിലിട്ടറി സ്റ്റേഷനില്‍ മൃതദേഹം എത്തിച്ച് ഔദ്യോഗിക ബഹുമതികള്‍ക്ക് ശേഷം സൈന്യത്തിന്റെ അകമ്പടിയോടെ പെരുങ്കടവിളയിലെ ഇന്ദ്രജിത്തിന്റെ വസതിയില്‍ കൊണ്ടുവരും. തുടര്‍ന്ന് അന്ത്യകര്‍മ്മങ്ങള്‍ക്ക് ശേഷം സൈനികരുടെ ഗാര്‍ഡ് ഓഫ് ഓണറോടുകൂടി മൃതദേഹം സംസ്‌കരിക്കുമെന്നും അറിയിച്ചു. പിതാവ് ശിവകുമാര്‍, മാതാവ് ശ്രീജയ , ഭാര്യ അജന്ത. മകന്‍ ഹര്‍ഷിദ്, സഹോദരി ഇന്ദ്രജ.
Latest
കോഴിക്കോട് മെഡിക്കല്‍ കോളജില്‍ ശസ്ത്രക്രിയക്കിടെ കമ്പി മാറിയിട്ട സംഭവം; ഡോക്ടര്‍ക്കെതിരെ കേസെടുത്തു
ബൈക്കും കാറും കൂട്ടിയിടിച്ച് 18 കാരന്‍ മരിച്ചു
ആറുവയസുകാരന് ഷോക്കേറ്റു; വഴിയരികില്‍ സിപിആര്‍ നല്‍കി ഡോക്ടര്‍
ബംഗാള്‍ ഉള്‍ക്കടലില്‍ ന്യൂനമര്‍ദം രൂപപ്പെടും; കേരളത്തില്‍ ചുഴലിക്കാറ്റ് മുന്നറിയിപ്പ്
എ എ പിയെ ഇല്ലാതാക്കാന്‍ ബി ജെ പി ശ്രമം; ഒരു നേതാവിനെ അകത്തിട്ടാല്‍ നൂറ് നേതാക്കള്‍ വരും: കെജ്‌രിവാള്‍
എല്ലിന് പൊട്ടലേറ്റ യുവാവിന് ശസ്ത്രക്രിയക്കിടെ കമ്പി മാറിയിട്ടു; കോഴിക്കോട് മെഡിക്കല്‍ കോളജിനെതിരെ വീണ്ടും പരാതി
