Kerala
ലക്കിടി- അടിവാരം റോപ് വേ പദ്ധതിക്ക് സര്‍ക്കാര്‍ അംഗീകരം
ചുരത്തിലെ ഗതാഗത തിരക്കിനും ടൂറിസം മേഖലയിലെ പുരോഗതിക്കും സഹായകമാകുന്ന പദ്ധതിയുമായി മുന്നോട്ടുപോകാന്‍ യോഗ തീരുമാനം
കല്‍പ്പറ്റ | മലബാറിന്റേയും പ്രത്യേകിച്ച് വയനാടിന്റേയും ടൂറിസം രംഗത്ത് വലിയ കുതിച്ച് ചാട്ടത്തിന് സഹായകരമാകുന്ന ലക്കിടി- അടിവാരം റോപ് വേ പദ്ധതിക്ക് തത്വത്തില്‍ സര്‍ക്കാര്‍ അംഗീകാരം. തിരുവനന്തപുരത്ത് ടൂറിസം മന്ത്രി മുഹമ്മദ് റിയാസിന്റെ അധ്യക്ഷതയില്‍ ചേര്‍ന്ന നിര്‍ണായക യോഗത്തിലാണ് തീരുമാനം.
ചുരത്തിലെ ഗതാഗത തിരക്കിനും ടൂറിസം മേഖലയിലെ പുരോഗതിക്കും സഹായകമാവുന്ന പദ്ധതിയുമായി മുന്നോട്ടുപോകാന്‍ യോഗം തീരുമാനിക്കുകയായിരുന്നു.
തിരുവമ്പാടി എം എല്‍ എ ലിന്റോ ജോസഫും കല്‍പ്പറ്റ എം എല്‍ എ അഡ്വ. ടി സിദ്ദീഖും തങ്ങളുടെ മണ്ഡലത്തിന്റെ ടൂറിസം വികസനത്തില്‍ പ്രധാന പദ്ധതിയായാണ് ഇതിനെ കാണുന്നത്. 3.2 കിലോമീറ്റര്‍ ദൈര്‍ഘ്യമുള്ള ഈ റോപ്വേ വയനാടന്‍ ചുരത്തിന്റെ പ്രകൃതി ഭംഗി ആസ്വദിക്കുവാന്‍ വിനോദസഞ്ചാരികള്‍ക്ക് സഹായകമാവും.
യോഗത്തില്‍ എം എല്‍ എമാരായ ലിന്റോ ജോസഫ്, ടി സിദ്ദീഖ്, ടൂറിസം സെക്രട്ടറി ശ്രീനിവാസ്, വയനാട് കലക്ടര്‍ ഡോ. രേണു രാജ്, കോഴിക്കോട് കലക്ടര്‍ എ ഗീത, വയനാട് ചേമ്പര്‍ ഓഫ് കോമേഴ്സ് ഭാരവാഹികളായ ജോണി പാറ്റാനി, ഇ പി മോഹന്‍ദാസ്, മോഹന്‍ ചന്ദ്രഗിരി, ബേബി നിരപ്പത്ത് പങ്കെടുത്തു.
Latest
വഖഫ് ഭേദഗതി നിയമത്തിന് ഭാഗിക സ്റ്റേയുമായി സുപ്രീം കോടതി
രാഹുല്‍ മാങ്കൂട്ടത്തില്‍ നിയമസഭയിലെത്തിയത് ജനങ്ങളോടും സഭയോടുമുള്ള അനാദരവ് : ഇ പി ജയരാജന്‍
ട്രെയിന്‍ സ്റ്റേഷനില്‍ നിന്ന് എടുത്തശേഷം ചാടി ഇറങ്ങാന്‍ ശ്രമം; പ്ലാറ്റ്‌ഫോമില്‍ തലയിടിച്ച് വീണു യുവതിക്ക് പരുക്ക്
അമീബിക് മസ്തിഷ്‌ക ജ്വരം; സംസ്ഥാനത്തെ നീന്തല്‍ കുളങ്ങള്‍ക്ക് കര്‍ശന സുരക്ഷാ നിര്‍ദേശങ്ങള്‍ പുറപ്പെടുവിച്ച് ആരോഗ്യവകുപ്പ്
നിയമസഭാ സമ്മേളനത്തിന് തുടക്കമായി; രാഹുല്‍ മാങ്കൂട്ടത്തില്‍ സഭയില്‍
കെ എസ് യു പ്രവര്‍ത്തകരെ മുഖംമൂടി ധരിപ്പിച്ച് കോടതിയില്‍ ഹാജരാക്കിയ സംഭവം; വടക്കാഞ്ചേരി എസ് എച്ച്ഒക്ക് സ്ഥലം മാറ്റി
