Kerala
പൊതുപണിമുടക്ക്: സെക്രട്ടറിയേറ്റില്‍ ആകെ ജീവനക്കാര്‍ 4,828; ജോലിക്കെത്തിയത് 32 പേര്‍ മാത്രം
സര്‍ക്കാര്‍ ജീവനക്കാര്‍ ജോലിക്കു ഹാജരാകാതിരിക്കുന്നത് വിലക്കണമെന്നു ഹൈക്കോടതി നിര്‍ദേശിച്ചു.
തിരുവനന്തപുരം | പൊതുപണിമുടക്കിന്റെ ആദ്യ ദിനത്തില്‍ സെക്രട്ടേറിയറ്റില്‍ ഹാജരായത് നാമമാത്ര ജീവനക്കാര്‍ മാത്രം. 4,828 ജീവനക്കാരുള്ള സെക്രട്ടേറിയറ്റില്‍ ഇന്ന് ജോലിക്കെത്തിയത് 32 പേര്‍ മാത്രമാണ്.
അതേസമയം, സര്‍ക്കാര്‍ ജീവനക്കാര്‍ ജോലിക്കു ഹാജരാകാതിരിക്കുന്നത് വിലക്കണമെന്നു ഹൈക്കോടതി നിര്‍ദേശിച്ചു. സര്‍ക്കാര്‍ ജീവനക്കാരുടെ പണിമുടക്ക് വിലക്കി സര്‍ക്കാര്‍ ഇന്നു തന്നെ ഉത്തരവിറക്കണമെന്ന് ഹൈക്കോടതി അറിയിച്ചു. ചീഫ് ജസ്റ്റീസ് അധ്യക്ഷനായ ബെഞ്ചിന്റേതാണ് ഉത്തരവ്.
പണിമുടക്കിന്റെ ഭാഗമായി ജോലിക്കു ഹാജരാകാതിരിക്കുന്ന ജീവനക്കാര്‍ക്ക് അവധിയായി കണക്കാക്കി ശമ്പളം നല്‍കാന്‍ സര്‍ക്കാര്‍ തീരുമാനിച്ചിരുന്നു. ജീവനക്കാരുടെ പണിമുടക്ക് നേരിടാന്‍ ഡയസ്‌നോണ്‍ പ്രഖ്യാപിക്കാത്ത സര്‍ക്കാര്‍ നടപടിക്കെതിരേ തിരുവനന്തപുരം സ്വദേശിയായ അഭിഭാഷകനാണ് ഹൈക്കോടതിയില്‍ പൊതുതാത്പര്യ ഹര്‍ജി നല്‍കിയത്.
സര്‍വീസ് ചട്ടങ്ങള്‍ പ്രകാരം ജീവനക്കാര്‍ക്കു പണിമുടക്കാന്‍ കഴിയില്ലെന്നും നിയമവിരുദ്ധമായ നടപടി തടയാന്‍ സര്‍ക്കാര്‍ ഉത്തരവിറക്കണമെന്നുമാണ് ഹൈക്കോടതി നിര്‍ദേശിച്ചിരിക്കുന്നത്.
Latest
കാർലോസ് അൽകാരസ് വിംബിൾഡൻ സെമി ഫൈനലിൽ
തടിയന്റവിട നസീറിന് സഹായം നല്‍കി; പോലീസുകാരനും ഡോക്ടറും അടക്കം മൂന്ന് പേര്‍ അറസ്റ്റില്‍
തിരുവനന്തപുരത്ത് ഹോട്ടല്‍ ഉടമയെ കൊല്ലപ്പെട്ട നിലയില്‍ കണ്ടെത്തിയ സംഭവം; രണ്ട് പേര്‍ പിടിയില്‍
കൊച്ചിന്‍ റീഫൈനറിയില്‍ തീപ്പിടുത്തം; നിരവധി കുടുംബങ്ങളെ മാറ്റിപ്പാര്‍പ്പിച്ചു
സൈബര്‍ തട്ടിപ്പിലൂടെ ലക്ഷങ്ങള്‍ തട്ടിയെടുത്തു; ഇടുക്കി സ്വദേശിയെ കര്‍ണാടക പോലീസ് അറസ്റ്റ് ചെയ്തു
സംസ്ഥാനത്ത് ശക്തമായ മഴ തുടരും; വിവിധ ജില്ലകളില്‍ യെല്ലോ അലര്‍ട്ട്
