സഞ്ജുവിനോട് അടി ചോദിച്ച് വാങ്ങിയ ഹര്‍ദികിനെ എയറിലിട്ട് ഫാന്‍സ്

അഹ്മദാബാദ് | ഇന്നലെ നടന്ന രാജസ്ഥാന്‍ റോയല്‍സ്- ഗുജറാത്ത് ടൈറ്റന്‍സ് മത്സരത്തിലെ കൊമ്പുകോര്‍ക്കലിനും നാണം കെടലിനും ശേഷം സോഷ്യല്‍ മീഡിയയിലും എയറിലായി ഗുജറാത്ത് താരം ഹര്‍ദിക് പാണ്ഡ്യ. മത്സരത്തിലെ അഞ്ചാം ഓവറിലായിരുന്നു രാജസ്ഥാന്‍ നായകന്‍ കൂടിയായ സഞ്ജു സാംസണെ പ്രകോപിപ്പിക്കാനുള്ള ഹര്‍ദിക്കിന്റെ ശ്രമം.

Hardik Pandya had no clue when Sanju Samson and Hetmyer was batting. He was plan less, had no strategy 😕. Infact, he went ahead and requested Sanju to get out early. It wasn’t needed. 🤔#GTvsRR #RCBvsCSKpic.twitter.com/Ob1jXncIra

— Vikram Rajput (@iVikramRajput) April 17, 2023

എന്നാല്‍, നിശബ്ദനായി മുഖം തിരിച്ച സഞ്ജുവിന്റെ മറുപടി ബാറ്റുകൊണ്ടായിരുന്നു. 32 പന്തില്‍ 60 റണ്‍സുമായി സഞ്ജു തകര്‍ത്താടുകയായിരുന്നു.

അഫ്ഗാന്‍ സ്പിന്‍ മാന്ത്രികന്‍ റാഷിദ് ഖാനെ തുടര്‍ച്ചയായി സിക്‌സറിന് പറത്തിയത് ഉള്‍പ്പെടെ മാരക ഫോമിലായിരുന്നു സഞ്ജു. ഇതിനെല്ലാം മൂഖസാക്ഷിയായി നിൽക്കാൻ മാത്രമായിരുന്നു ഹര്‍ദികിന്റെ വിധി.

സഞ്ജുവിന്റെയും ഹെറ്റ്‌മെയറിന്റെയും മിന്നുന്ന പ്രകടന മികവില്‍ രാജസ്ഥാന്‍ മൂന്ന് വിക്കറ്റിന് മത്സരം സ്വന്തമാക്കിയിരുന്നു. ഇതിനു പിന്നാലെ ഇന്ത്യന്‍ ടീമിലെ ധോണിയുടെ പകരക്കാരനാണ് സഞ്ജു എന്ന തരത്തില്‍ വരെ പ്രവചനങ്ങളുയര്‍ന്നു. എല്ലാ ട്വിറ്റുകളിലും പോസ്റ്റുകളിലും ഹര്‍ദികിനെതിരെയുള്ള ഒളിയമ്പുകളുണ്ടായിരുന്നു.

മത്സര ശേഷം സഞ്ജു സോഷ്യൽ മീഡിയയിൽ പങ്കുവെച്ച ചിത്രവും വൈറലായിരിക്കുകയാണ്.

Hmmmmmmmm !! pic.twitter.com/v6tolqeTin

— Sanju Samson (@IamSanjuSamson) April 16, 2023