Kerala
കണ്ണൂര്‍ ജില്ലയില്‍ എട്ട് എയ്ഡഡ് സ്‌കൂളുകള്‍ അടച്ചു പൂട്ടിയതിനെക്കുറിച്ച് റിപ്പോര്‍ട്ട് തേടിയതായി വിദ്യാഭ്യാസ മന്ത്രി
സര്‍ക്കാര്‍ അറിയാതെ ഒരു സ്‌കൂളും അടച്ചു പൂട്ടാന്‍ അനുവദിക്കില്ല
കണ്ണൂര്‍ | കണ്ണൂര്‍ ജില്ലയില്‍ എട്ട് എയ്ഡഡ് സ്‌കൂളുകള്‍ അടച്ചു പൂട്ടിയതിനെക്കുറിച്ച് റിപ്പോര്‍ട്ട് തേടിയതായി വിദ്യാഭ്യാസ മന്ത്രി വി ശിവന്‍കുട്ടി. എല്‍ ഡി എഫ് സര്‍ക്കാര്‍ അധികാരത്തില്‍ എത്തിയ ശേഷം മുഖ്യമന്ത്രി പിണറായി വിജയന്റെ മണ്ഡലത്തിലേതടക്കം എട്ട് എയ്ഡഡ് സ്‌കൂളുകള്‍ അടച്ചുപൂട്ടി എന്ന വാര്‍ത്തയുടെ അടിസ്ഥാനത്തിലാണ് നടപടി.
സര്‍ക്കാര്‍ അറിയാതെ ഒരു സ്‌കൂളും അടച്ചു പൂട്ടാന്‍ അനുവദിക്കില്ല. തലശ്ശേരി സൗത്ത് ഉപജില്ലയില്‍പെട്ട പാലയാട് സെന്‍ട്രല്‍ ജൂനിയര്‍ ബേസിക് സ്‌കൂള്‍, മേലൂര്‍ ജൂനിയര്‍ ബേസിക് സ്‌കൂള്‍,ആണ്ടല്ലൂര്‍ ജെബിസ്‌കൂള്‍, ന്യൂമാഹി പരിമഠം എല്‍ പി സ്‌കൂള്‍, വാണി വിലാസം യു പി സ്‌കൂള്‍, പപ്പന്‍ പീടികയിലെ കോടിയേരി ഈസ്റ്റ് ജൂനിയര്‍ ബേസിക് സ്‌കൂള്‍, ഇരിവേരി ഇ എല്‍ പി സ്‌കൂള്‍, അതിരകം എല്‍ പി സ്‌കൂള്‍ എന്നിവയാണ് പൂട്ടിയത്. അടച്ച് പൂട്ടിയ സ്‌കൂളുകളെല്ലാം എയ്ഡഡ് സ്‌കൂളുകളാണ്.
അധ്യാപക നിയമനങ്ങള്‍ക്ക് സര്‍ക്കാര്‍ അംഗീകാരം നല്‍കാത്തതാണ് അടച്ചുപൂട്ടലിനു കാരണമെന്ന് പ്രതിപക്ഷ അധ്യാപക സംഘടനകള്‍ ആരോപിച്ചിരുന്നു.
Latest
അച്ചന്‍കോവില്‍ ആറ്റില്‍ അകപ്പെട്ട രണ്ട് പെണ്‍കുട്ടികളെ പത്തനംതിട്ട അഗ്‌നിരക്ഷാ സേന രക്ഷപ്പെടുത്തി
ഉപകരണങ്ങള്‍ക്കും മരുന്നുകള്‍ക്കും ക്ഷാമം; ശ്രീചിത്രില്‍ ചികിത്സകള്‍ മുടങ്ങുന്നു,ശസ്ത്രക്രിയകള്‍ മാറ്റിവെച്ചു
അബുദബിയില്‍ നിര്യാതനായി
അബുദബിയില്‍ നിര്യാതനായി
'ഇത് രാജീവിന്റേയോ പിണറായിയുടേയോ പണമല്ല, കേരളം ആരുടേയും പിതൃസ്വത്തല്ല,കേരളം വിട്ടത് സഹികെട്ട്'
മുണ്ടക്കയത്ത് ഷോപ്പിംഗ് കോംപ്ലക്‌സില്‍ തീപ്പിടുത്തം
