രാത്രിയിൽ പാൽ കുടിച്ചോളൂ; ആരോഗ്യ ഗുണങ്ങൾ ഏറെ

കുട്ടിക്കാലം മുതൽ വീട്ടിൽ നിന്നൊക്കെ കേൾക്കുന്ന കാര്യമാണ് രാത്രിയിൽ ഒരല്പം പാലെങ്കിലും കുടിച്ചിട്ട് ഉറങ്ങണം എന്നുള്ളത്. എന്നാൽ നമുക്ക് ഇതിന്റെ ശരിയായ ആരോഗ്യഗുണങ്ങൾ ഒന്നും അറിയാതെയാണ് നാം രാത്രിയിൽ പാലുകുടിച്ചിരുന്നത്. എന്തൊക്കെയാണ് രാത്രിയിൽ പാൽ കുടിക്കുന്നത് കൊണ്ടുള്ള ഗുണങ്ങൾ എന്ന് നോക്കാം.

1. ദഹന വ്യവസ്ഥയ്ക്ക് ആശ്വാസവും ഗുണവും നൽകുന്ന ഒന്നാണ് ചൂടുള്ള പാൽ. ഇത് അസിഡിറ്റി അസ്വസ്ഥത എന്നിവയിൽ നിന്ന് നിങ്ങളുടെ വയറിനെ സംരക്ഷിക്കുന്നു.

2. ഉറക്കം നൽകാൻ സഹായിക്കുന്ന ഹോർമോണുകൾ ഉൽപ്പാദിപ്പിക്കാനും രാത്രി പാൽ കുടിക്കുന്നതിലൂടെ സാധിക്കും. പാലുകുടിക്കുമ്പോൾ നിങ്ങൾക്ക് ഉറക്ക പ്രശ്നം അനുഭവിക്കേണ്ടി വരില്ല.

3. രാത്രി പാൽ കുടിക്കുന്നത് നിങ്ങളുടെ ശരീരത്തിൽ ജലാംശം നിലനിർത്തുകയും ശരീരത്തെ വിശ്രമിക്കാൻ പ്രോത്സാഹിപ്പിക്കുകയും ചെയ്യും.

4. ചൂടുള്ള പാൽ രാത്രി കുടിക്കുമ്പോൾ നിങ്ങളുടെ സമ്മർദ്ദം കുറയ്ക്കാനും നാഡീവ്യവസ്ഥയെ ശാന്തമാക്കാനും സാധിക്കും.

5. പാലിലെ പ്രോട്ടീനും കൊഴുപ്പും രക്തത്തിലെ പഞ്ചസാരയുടെ അളവ് ഒറ്റരാത്രികൊണ്ട് സ്ഥിരപ്പെടുത്താൻ സഹായിക്കും.

6. പാലിൽ കാൽസ്യം, വിറ്റാമിൻ ഡി എന്നിവ ധാരാളം അടങ്ങിയിരിക്കുന്നതിനാൽ പതിവായി പാല് കുടിക്കുന്നത് അസ്ഥികളുടെ ആരോഗ്യം നിലനിർത്താൻ സഹായിക്കും.

7.  പ്രോബയോട്ടിക്കുകളുടെയും മികച്ച ഉറവിടമാണ് പാൽ. അതുകൊണ്ടുതന്നെ ദഹനം എളുപ്പമാക്കുകയും രാത്രിയിൽ ആരോഗ്യത്തോടെ നിലനിൽക്കാൻ സഹായിക്കുകയും ചെയ്യുന്നു.

8. പാലിലെ പ്രോട്ടീൻ പ്രത്യേകിച്ച് കസിൻ പേശികളുടെ അഴിച്ചുപണികൾക്കും വളർച്ചയ്ക്കും സഹായിക്കുന്നു. ഇനി രാത്രിയിൽ ഒരു ഗ്ലാസ് പാൽ വേണ്ടെന്ന് പറയേണ്ട. ആരോഗ്യഗുണങ്ങൾ ഏറെയാണ്.