Kerala
ദീപകിന്റെ മരണം; ഷിംജിതയുടെ ജാമ്യാപേക്ഷ തള്ളി
ജാമ്യം നല്കിയാല് പ്രതി സാക്ഷികളെ സ്വാധീനിക്കാന് സാധ്യതയുണ്ടെന്ന് പോലീസ് കോടതിയില് റിപ്പോര്ട്ട് നല്കിയിരുന്നു
കോഴിക്കോട് | ബസ് യാത്രക്കിടെ ലൈംഗികാതിക്രമം നടത്തിയെന്നാരോപിച്ച് സമൂഹിക മാധ്യമത്തില് വിഡിയോ പ്രചരിപ്പിച്ചതിനെ തുടര്ന്ന് കോഴിക്കോട് സ്വദേശി ദീപക് ആത്മഹത്യ ചെയ്ത സംഭവത്തില് റിമാന്ഡില് കഴിയുന്ന ഷിംജിത മുസ്തഫയുടെ ജാമ്യാപേക്ഷ കോടതി തള്ളി കുന്നമംഗലം മജിസ്ട്രേറ്റ് കോടതിയുടേതാണ് നടപടി. ജാമ്യം നല്കിയാല് പ്രതി സാക്ഷികളെ സ്വാധീനിക്കാന് സാധ്യതയുണ്ടെന്ന് പോലീസ് കോടതിയില് റിപ്പോര്ട്ട് നല്കിയിരുന്നു. ഇതുകൂടി പരിശോധിച്ച ശേഷമായിരുന്നു കോടതി വിധി
കേസന്വേഷണം പ്രാരംഭഘട്ടത്തിലാണെന്നും ജാമ്യം ലഭിച്ചാല് പ്രതി സാക്ഷികളെ സ്വാധീനിക്കുമെന്ന റിപ്പോര്ട്ടാണ് മെഡിക്കല് കോളജ് പോലീസ് കുന്നമംഗലം ഒന്നാം ക്ലാസ് മജിസ്ട്രേറ്റ് കോടതിയില് സമര്പ്പിച്ചത്. പോലീസ് റിപ്പോര്ട്ട് കൂടി പരിശോധിച്ച കോടതി വിശദമായ വാദം കേട്ടിരുന്നു. വീഡിയോ പോസ്റ്റ് ചെയ്ത ഫോണ് പോലീസ് ശാസ്ത്രീയ പരിശോധനയ്ക്ക് അയച്ചിരിക്കുകയാണ്.
ആത്മഹത്യപ്രേരണാക്കുറ്റം ചുമത്തപ്പെട്ട് റിമാന്ഡില് കഴിയുകയാണ് ഷിംജിത. അതിനിടെ ഷിംജിത പോസ്റ്റ് ചെയ്ത വീഡിയോ നീക്കണമെന്ന് ആവശ്യപ്പെട്ട് ഒരു യാത്രക്കാരി പോലീസിനെ സമീപിച്ചിട്ടുണ്ട്. പ്രചരിക്കപ്പെട്ട വീഡിയോയില് താന് കൂടി ഉള്പ്പെട്ടിട്ടുണ്ടെന്നും ആളുകള് തെറ്റിദ്ധരിക്കുമെന്നതിനാല് വീഡിയോ പിന്വലിക്കണമെന്നാവശ്യപ്പെട്ടുമാണ് പെണ്കുട്ടി കണ്ണൂര് സിറ്റി സൈബര് പോലീസിനെ സമീപിച്ചത്
Latest
ശബരിമല സ്വര്ണ്ണക്കൊള്ള കേസ്; പി എസ് പ്രശാന്തിനെ വീണ്ടും ചോദ്യം ചെയ്ത് എസ് ഐ ടി
ദീപകിന്റെ മരണം; ഷിംജിതയുടെ ജാമ്യാപേക്ഷ തള്ളി
പാര്ട്ടി ഫണ്ട് വിവാദത്തില് അടിയന്തര പ്രമേയത്തിന് അനുമതി നിഷേധിച്ചു; സഭ ബഹിഷ്കരിച്ച് പ്രതിപക്ഷം
കഴക്കൂട്ടം പോലീസ സ്റ്റേഷന് മുന്നില് നിര്ത്തിയിട്ട വാഹനത്തിലിരുന്ന് മദ്യപിച്ചു;ആറ് പോലീസ് ഉദ്യോഗസ്ഥര്ക്കെതിരെ നടപടി
ഒരുമിച്ച് മരിക്കാമെന്ന് പറഞ്ഞ് വിളിച്ചുവരുത്തി, സ്റ്റൂള് തട്ടിമാറ്റി; കോഴിക്കോട് യുവതിയെ തൂങ്ങിമരിച്ച നിലയില് കണ്ടെത്തിയ സംഭവം കൊലപാതകം
ശബരിമല സ്വര്ണ്ണക്കൊള്ള: സഭാ കവാടത്തിന് മുന്നില് യുഡിഎഫ് എംഎല്എമാരുടെ സമരം തുടങ്ങി; ഹൈക്കോടതിക്കെതിരായ സമരമെന്ന് മുഖ്യമന്ത്രി
